අර්තාපල් සඳහා වන විශේෂ ආනයන බද්ද රුපියල් 10කින් ද ලොකු ලූනු කිලෝවක බද්ද රුපියල් 20කින් ද වැඩි කිරීමට මුදල් අමාත්යාංශය පියවර ගෙන ඇත.
ඒ අනුව රුපියල් 50ක්ව තිබූ අර්තාපල්වල ආනයනික වෙළෙඳ භාණ්ඩ බද්ද රුපියල් 60 දක්වා රුපියල් 10 කින්ද, රුපියල් 10ක්ව පැවති ආනයනික බීලූනු බද්ද රුපියල් 30 දක්වා රුපියල් 20 කින්ද ඉහළ නැංවීමටද රජය පියවර ගෙන තිබේ.
දේශීය ලොකු ලූනු ගොවියාගේ මෙන්ම අර්තාපල් ගොවියාගේ අස්වැන්න අලෙවි කර ගැනීමට නොහැකි තත්ත්වයක් මෙම ආයනයනික ලොකු ලූනු සහ අර්තාපල් නිසා ඇති වී තිබිණි.
පසුගිය යලේ ලොකු ලූනු අස්වැන්නට නිසි මිලක් නොමැති වීමෙන් පොළොන්නරුව ඇලහැර ගොවිජනපදයේ ලොකු ලූනු ගොවීන් මුහුණ දී ඇති බරපතල අර්බුදය සංවාදයට ලක් වූයේ පසුගිය සතියේ දීය. පොහොර, ඉන්ධන සහ වෙනත් කෘෂි යෙදවුම් සඳහා වැයවන වියදමත් සමග අතේ පාඩුවට ලොකු ලූනු අලෙවි කිරීමට සිදුවූ ගොවීන්ගේ කතාව එහිදී හෙලි දරවු විය.
