දැනට සිංගප්පූරුවේ වාසය කරන බව සඳහන් හිටපු මහ බැංකු අධිපති අර්ජුන මහේන්ද්රන් ට සැප්තැම්බර් මස 26 වන දා අධිකරණය හමුවේ පෙනී සිටින ලෙස දන්වා කොළඹ මහෙස්ත්රාත් අධිකරණය අද (23) නොතිසි නිකුත් කරනු ලැබුවේය.
කොළඹ ප්රධාන මහෙස්ත්රාත් තනූජා ලක්මාලී ජයතුංග විසින් මෙම නොතීසි නිකුත් කිරීම සිදුකරනු ලැබුවේ අල්ලස් කොමිසම විසින් ඉදිරිපත් කළ ඉල්ලීමක් සලකා බැලීමෙන් අනතුරුවය.
අර්ජුන මහේන්ද්රන් ට අධිකරණය හමුවේ පෙනී සිටින ලෙස දන්වා ඉකුත් වසරේත් නොතිසී නිකුත් කර තිබිණි. නමුත් එම නොසීසි නිසියාකාරව ක්රියාත්මක වී නොමැති බව අල්ලස් හෝ දූෂණ විමර්ශන කොමිසම විසින් අද අධිකරණයට දැනුම් දුන්නේය
ඒ අනුව මෙම සැකකරුට ඉංග්රීසි භාෂාවෙන් නොතිසි නිකුත් කිරීමට පියවර ගන්නා ලෙසත් අල්ලස් කොමිසම අධිකරණයෙන් ඉල්ලීමක් කළේය.
2015 වසරේ පෙබරවාරි මස 27 වන දා ශ්රී ලංකා මහා බැංකුව විසින් සිදුකළ බැඳුම්කර වෙන්දේසියකදී රුපියල් බිලියන 10කට අධික වටිනාකමකින් යුත් බැඳුම්කර පර්පචූවල් ට්රෙෂරීස් සමාගමට විකිණීම තුළින් රජයට පාඩු සිදුකළ බවට චෝදනා කරමින් අල්ලස් කොමිසම විසින් දූෂණ විරෝධී පනත යටතේ අර්ජුන මහේන්ද්රන්ට විරුද්ධව මෙම නඩුකරය ගොනු කර තිබිණි.
