තමන්ගේ නිවාස ව්යාපෘතියක ආයෝජකයෙක් බව පවසමින් අමාත්ය අරුන්දික ප්රනාන්දු විසින් ලබා දෙන ලද ලිපියකට අනුව ආගමන විගමන දෙපාර්තමේන්තුව විසින් රටට ඇතුළු වීමට අවසරය ලබා දුන් චීන ජාතිකයා වහාම රටින් පිටුවහල් කර ලෙස මහජන ආරක්ෂාව පිළිබඳ අමාත්ය ටිරාන් අලස් ආගමන විගමන පාලකවරයාට නියෝග කර ඇත.
විදේශ ගමන් බලපත්ර දෙකකින් මෙරටට පැමිණි බව කියන මෙම චීන ජාතිකයා ඊයේ (22) ආගමන විගමන දෙපාර්තමේන්තුවට කැඳවන ලෙස අමාත්යවරයා ආගමන විගමන පාලකවරයාට උපදෙස් ලබාදී ඇති අතර එහිදී ඔහුගෙන් අවශ්ය ප්රකාශ සටහන් කරගෙන ඇත. එම ප්රකාශ සහ මෙම චීන ජාතිකයා ගේ විදේශ ගමන් බලපත්ර පරීක්ෂා කිරීමෙන් පසුව අමාත්ය අලස් ඔහු වහාම රටින් පිටුවහල් කිරීමට කටයුතු කරන ලෙස ආගමන විගමන පාලකවරයාට උපදෙස් ලබා දී තිබේ.
පසුගිය 18 වැනදා ව්යාජ විදේශ ගමන් බලපත්රයක් භාවිත කළ චීන ජාතික මගියෙකු සහ ඔහුගේ මිතුරන් දෙදෙනා වන , තවත් චීන ජාතිකයෙකු සහ ඊජිප්තු ජාතිකයෙකු බණ්ඩාරනායක ජාත්යන්තර ගුවන් තොටුපළේදී රටට ඇතුළු වීමට උත්සාහ කර තිබිණි.
ආගමන විගමන නිලධාරීන් එම ගුවන් ගමන් බලපත්රය ව්යජ එකක් බව හඳුනාගෙන ඔවුන් රටට ඇතුළුවීම වළක්වනු ලැබුවේය. මේ අවස්ථාවේ දී මෙම පුද්ගලයින් තිදෙනා කළහකාරී ලෙස හැසිරෙන්නට පටන් ගෙන තිබිණි.
එහිදි ආගමන විගමන නිලධාරීන් , ගුවන් තොටුපළ ආරක්ෂක නිලධාරීන් සහ එමිරේට්ස් ගුවන් සේවා නිලධාරීන් එක්ව මොවුන් තිදෙනා පාලනය කර , රටින් පිටුවහල් කිරීම සඳහා එම ගුවන් සේවා ” රැදවුම් කුටිය ” වෙත , යොමු කර තිබුණි .
එම අවස්ථාවේදීත් කටුනායක ගුවන් තොටුපළ ආගමන විගමන නිලධාරීන් වෙත බලපෑම් සහගත දුරකථන ඇමතුම් කීපයක්ම ලැබී තිබුණේය. ඒ අතර මෙම පුද්ගලයින් ගුවන්තොටුපල නිලධාරීන්ට අල්ලස් දීමට ද තැත් කර තිබූ බව ආගමන විගමන නිලධාරීහු ප්රකාශ කළහ .
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
නාගරික සංවර්ධන සහ නිවාස රාජ්ය අමාත්ය අරුන්දික ප්රනාන්දු අමාත්යවරයා , මොවුන් ආයෝජකයන් පිරිසක් බවත්, රටට පැමිණියේ තමන්ගේ නිවාස ව්යාපෘතියක් සඳහා ආයෝජනය කිරීමට බවත් දන්වා ඔවුන් නිදහස් කරන ලෙස , ආගමන විගමන පාළකවරයා වෙත ලිඛිතව ඉල්ලා තිබුණේය
