එස්.බී දිසානායක විසින් මෙහෙයවන ජොන්ස්ටන් ප්රනාන්දු, රෝහිත අබේගුණවර්ධන, නාමල් රාජපක්ෂ ඇතුළු පොහොට්ටුවේ ප්රබලයින් කණ්ඩායමක් අයවැයට පෙර කැබිනට් සංශෝධනයක් ඉල්ලා ප්රබල බලපෑමක් කළ ද ඒ සම්බන්ධව ජනාධිපතිවරයා මේ වනතුරු සිය එකඟත්වය පල කර නැතැයි විශ්වාසකටයුතු ආරංචි මාර්ග හෙළි කරයි.
ජනාධිපතිවරයා හෙට ( 06) ඊජිප්තුවේ විශේෂ රාජ්ය තාන්ත්රික සංචාරයක් සඳහා පිටත්වන බවත් ඒ ගමනින් අනතුරුව බලපෑම් කරන පොහොට්ටු කණ්ඩායමට නිශ්චිතව සිය ස්ථාවර පල කරනු ඇති බවත් වාර්තා වේ.
කෙසේ වුවද මේ වනවිට එම කණ්ඩායම සැලසුම් කරමින් සිටින්නේ අයවැයට පෙර කැබිනට් සංශෝධනයක් සිද්ධ නොවුනොත් අයවැය පරාජය කිරීම සඳහා බව දැනගන්නට ඇත.
එහෙත් ප්රධානම අර්බුදය වී ඇත්තේ මේ වනවිට පොහොට්ටුවේ වැඩිමනත් පිරිසක් ජනාධිපතිවරයා සමග එක් වී සිටීම බවත් මේ තත්ත්වය තුළ අයවැය පරාජය කිරීම පහසු නොවන බවත් වාර්තා වේ.
පවතින තත්ත්වය සම්බන්ධව සාකච්ඡා කිරීමට පෙරේදාත් මෙම පොහොට්ටු කණ්ඩායම එස්.බී දිසානායකගේ ප්රධානත්වයෙන් රැස් වී ඇතැයි අභ්යන්තර ආරංචි මාර්ග කියයි.
මේ වනවිට ඔවුනගේ ඉලක්කය වී ඇත්තේ අයවැය පරාජය කිරීමට නොහැකි බව වැටහී ගියහොත් ජනාධිපතිවරයාට ඉතාම සමීප ඇමතිවරුන්ගේ අමාත්යාංශ අයවැය පරාජය කිරීමට විපක්ෂය හා එක්ව කටයුතු කිරීම බව දැනගන්නට ඇත.
