තව දින 07කින් ඇරඹෙන ශ්රී ලංකා සිම්බාබ්වේ තරගාවලිය සඳහා එක්දින තරගාවලිය වෙනුවෙන් ක්රීඩකයින් 21කින් සහ විස්සයි 20 තරගාවලිය වෙනුවෙන් ක්රීඩකයින් 22කින් සමන්විත සංචිත දෙකක් නම් කර ඇතත් මේ වනවිටත් නිශ්චිත කණ්ඩායමක් නම් කර නැති වීම ගැටලු සහගත තත්ත්වයක් මතු කර තිබේ.
කෙසේ වෙතත් මෙම කණ්ඩායම් දෙක සඳහාම නායකත්වය පෞරුෂයක් නැති ක්රීඩකයින් දෙපළක් නායකත්වයට පත් කිරීමට වත්මන් ක්රිකට් තේරීම් කමිටුව විසින් කටයුතු කිරීම පිළිබඳ දැඩි විවේචනයක් මතුවෙමින් ඇත.
දිගින් දිගටම ත්රාඩ හැසිරීම් විලාශයක් පෙන්වමින් විනය සම්බන්ධව අංශුවක තැකීමක් නැති, රටක නායකයෙක් ලෙස කතා ලෝකයට කතා කිරීමට සුදුසු සංයමක් නැති කුසල් මෙන්ඩිස් නැවත වරක් එක්දින කණ්ඩායමේ නායකත්වයට නම් කර තිබේ.
පරිණත නායකත්ව ලක්ෂණ කිසිදිනක ප්රකට නොකළ වනිඳු හසරංගි විස්සයි 20 කණ්ඩායමේ නායකත්වයට නම් කර තිබේ. කණ්ඩායම් දෙකේම උප නායකත්වයට චරිත් අසලංක පත් කර ඇත.
හිටපු නායක දසුන් ශානක ද සංචිතයට නම් කර ඇත. අවිශ්ක ප්රනාන්දු සහ අකිල ධනංජය සෑහෙන කාලයකට පසු යළි කැඳවා තිබේ. විස්සයි 20 සංචිතයට භානුක රාජපක්ෂය යළි කැඳවා ඇත.
මේ අතර සහය පුහුණුකරුවන් ලෙස මෙතෙක් කටයුතු කළ වේගපන්දු පුහුණුකරු දර්ශන ගමගේ සහ පන්දු රැකීමේ පුහුණුකරු මනෝජ් අබේවික්රමගේ සේවා කොන්ත්රාත්තු නිමා කර ඇත.
විශේෂත්වය වන්නේ ශ්රී ලංකා සංචිතයට තේරුනු විශිෂ්ට දඟ පන්දු යවන්නන් විශාල ප්රමාණයක ක්රීඩා ජීවිතය නිමා කරමින් දිගින් දිගටම අසාර්ථක වුනු පියල් විජේතුංග ප්රධාන දඟපන්දු පුහුණුකරු ලෙස තව දුරටත් තබා ගැනීමට ශ්රී ලංකා ක්රිකට් කටයුතු කිරීමයි.
