ඉන්දීය රජයේ ආරාධනාවකට අනුව එරට සංචාරයක නිරත ජාතික ජන බලවේගයේ නායක අනුර දිසානායක ඇතුළු දූත පිරිස සංචාරයේ දෙවන දිනය වන අද (06) නව දිල්ලියේ පිහිටි Observer Research Foundation හෙවත් ස්වාධීන ගෝලීය බුද්ධිමතුන්ගේ එකතුව හමුවූයේය.
Observer Research Foundation යනු ඉන්දියානු රජයේ ප්රතිපත්ති සම්පාදනයේදීත් තීරණ ගැනීමේදීත් ඉන්දියාවේ දේශපාලකයින්ට සහ ව්යාපාරික ප්රජාවට උපදේශන සේවා සපයන ආයතනයකි.
අනතුරුව දූත පිරිස ඉන්දියාවේ ඉලෙක්ට්රෝනික සහ තොරතුරු තාක්ෂණ අමාත්යාංශයට අනුබද්ධ ඉන්දියානු අනන්ය හඳුනාගැනීමේ අධිකාරිය (Unique Identification Authority of India) නැරඹූ අතර එහි ප්රධානීන් සමග සුහද සාකච්ඡාවක නිරත වූහ.
අද (06) පස්වරුවේ ජාතික ජන බලවේගයේ නායකයෝ අහමදාබාද් නගරය බලා පිටත්වූහ
දූත පිරිස ඊයේ පෙරවරුවේ ඉන්දීය විදේශ කටයුතු අමාත්ය එස්. ජයශංකර් හමුවූයේය. හමුවෙන් අනතුරුව ඊයේ උදේ වරුවේ ට්විටර් පණිවිඩයක් යොමුකළ ඉන්දීය විදේශකටයුතු ඇමතිවරයා කීවේ උදෑසන ශ්රි ලංකාවේ ජාතික ජන බලවේගයේ සහ ජනතා විමුක්ති පෙරමුණේ නායක අනුර කුමාර දිසානායක හමුවීම සතුටක් බවය.
“අපගේ ද්විපාර්ශ්වික සබඳතාව සහ එය තවදුරටත් ගැඹුරු වීමෙන් ලැබෙන අන්යෝන්ය ප්රතිලාභ පිළිබඳව හොඳ සාකච්ඡාවක් පැවැත්වුනා. ශ්රී ලංකාවේ ආර්ථික අභියෝග සහ ඉදිරි මාවත ගැන ද කතා කළා” ඉන්දීය ආරක්ෂක ඇමතිවරයා පවසා තිබිණි.
ඊවේ පස්වරුවේ ඉන්දියානු රජයේ ජාතික ආරක්ෂක උපදේශක Ajit Doval හමුවිය. මෙම හමුව Sardar Patel Bhavan හිදී සිදුවිය.
එහිදී කලාපීය ආරක්ෂාව පිළිබඳවත්, ශ්රී ලංකාව හා ඉන්දියාව අතර ද්විපාර්ශවීය සබඳතා පිළිබඳවත් දීර්ඝ ලෙස සාකච්ඡ්චාවට බඳුන්වූ බව ජාතික ජන බලවේගය නිවේදනය කළේය.
දූත පිරිස ඉයේ රාත්රියේ ඉන්දීය විදේශ ලේකම් Vinay Mohan හමුවූහ. එම හමුව නවදිල්ලි නගරයේ Taj Mansingh හෝටලයේදී පැවැත්විනි.
