අන්තර්කාලීන ආණ්ඩුවක් පිහිටුවා ගැනීම සම්බන්ධව ජනාධිපතිවරයා සහ ආණ්ඩුව සමග කළ සාකච්ඡාවලින් ඉවත් වීමට උදය ගම්මන්පිල විමල් වීරවංශ ඇතුළු පක්ෂ 11ක නියෝජිතයින් තීරණය කර ඇත.
අන්තර්කාලීන ආණ්ඩුවක් පිහිටුවා ගත යුතු බවට තම එකමුතුව සද් භාවයෙන් යෝජනා කළ ද ආණ්ඩුව මුදලට මන්ත්රීවරුන් ඩැහැ ගැනීමේ ව්යාපාරයක් ආරම්භ කර තිබෙන නිසා ඉන් ඉවත් වීමට තීරණය කළ බව පක්ෂ නායකයෙක් ලංකාසරට පැවසීය.
මුදල් හා වරදාන වරප්රසාද ලබා දී මන්ත්රීවරුන් ඩැහැගෙන බලය ආරක්ෂා කරගැනීම සඳහා බැසිල් රාජපක්ෂ ප්රමුඛ රාජපක්ෂ පවුලත් ඔවුන්ට බැලකම් කරන කේවට්ටයින් කීපදෙනෙකුත් කටයුතු කරමින් සිටින බව හෙතෙම අනාවරණය කළේය.
මොවුන්ගේ මෙම පහත් ක්රියාව හමුවේ තවදුරටත් ඔවුන් සමග සාකච්ඡා කිරීම පලක් නොවන බවත්, මින් ඉදිරියට ආණ්ඩුව සමග සාකච්ඡාවකට හෝ වැඩ කටයුත්තකට සම්බන්ධ නොවී සිටීමට පක්ෂ 11 ඒකමතිකව තීරණය කළ බවත් පක්ෂ නායකයා වැඩි දුරටත් පැවසීය.
මන්ත්රීවරුන් මුදලට ඩැහැ ගනිමින් තව දුරටත් රාජපක්ෂලාගේ පරණ දේශපාලනයේ නියැලෙනවා නම් එය කිසිවිටෙක ජනතාව අනුමත නොකරන බව පවසන පක්ෂ නායකයා තව දුරටත් මේ ආකාරයෙන් පැවතුනහොත් රට දැවැන්ත විනාශයකට ලක්වන බවට අනතුරු අඟවා සිටියේය.
මේ අනුව පක්ෂ 11 සාමාජිකයන් අනෙකුත් බලවේග හා එක්ව ආණ්ඩුවට එරෙහිව දැඩි ක්රියාමාර්ග ඉදිරියේ ගන්නා බවත් ඒ සම්බන්ධව මේ වනවිට අඛණ්ඩ සාකච්ඡා පැවැත්වෙමින් ඇති බවත් ඔහු කීවේය.
