දිනසේන රතුගමගේ –
යාපනය වඩමරච්චි නැගෙනහිර නාගර්කෝවිල් ප්රදේශයේදී යුද හමුදාව විසින් හිටපු එල්.ටී.ටී.ඊ.සාමාජිකයෙකු කිලෝ ග්රෑම් දෙකක් පමණ බර අධි බලැති ක්ලේමෝ බෝම්බයක් පිස්තෝලයක් හා පිස්තෝල උණ්ඩ 9 ක් සමග අද (28 ) අත් අඩංගුවට ගෙන තිබේ.
මෙම එල්.ටී.ටී.ඊ.සාමාජිකයා රජයේ පුනරුත්ථාපන වැඩ සටහන යටතේ පුනරුත්ථාපනය වීමෙන් පසුව නිදහස්ව ජීවත්ව සිටියදී 2020 වසරේ ජනවාරී මාසයේදී යාපනයේ පේදුරුතුඩුව ප්රදේශයේ දී යුදහමුදා භට පිරිසකට ප්රහාරයක් එල්ල කිරීමේ චෝදනාව යටතේ අත් අඩංගුවට ගත් අයෙකි.
ඔහුට එරෙහිව නඩු පැවරීමෙන් පසුව ඔහු අධිකරණයෙන් නිදහස ලබා ඇති අතර ඔහු සතුව යුද උපකරණ රැසක් ඇති බවට යුද හමුදාවේ බුද්ධි අංශයට ලද තොරතුරක් මත ඔහුගේ නිවසක් පරීක්ෂා කිරීමේදී එම යුද උපකරණ තොගය හමු වී තිබේ.
අත් අඩංගුවට ගත් මෙම සැකකරුගෙන් යාපනයේ ආරක්ෂක අංශ ප්රශ්න කරගෙන යයි.
