දිනසේන රතුගමගේ –
යාපනය අධිකරණයේ නියෝගයක් මත වහාම ක්රියාත්මකවන පරිදි කෝපායි පොලීසිය තාවකාලිකව එම ස්ථානයෙන් ඉවත් කිරීමට අද 15 දා තීරණය වී ඇත.
එම පොලිස් ස්ථානය සිවිල් වැසියන් 8 දෙනෙකුට අයත් නිවාස 8ක පවත්වාගෙන ගොස් ඇති අතර එම නිවාසවලින් 7ක් නැවත එම පුද්ගලයන්ට ලබාදෙන ලෙස අධිකරණය නියෝග කිරීමත් සමගම මෙම තීරණය ගෙන තිබේ.
යාපනය අධිකරණයේ පිස්කල්වරයා විසින් එම නිවාස හිමිකරුවන්ට අධිකරණයේ නියෝගය ලබාදි ඇති බව පොලීසිය පැවසීය.
ඒ අනුව තාවකාලිකව යාපනය පොලීසිය කෝපායි බල ප්රදේශයට අයත් පැමිණිලි බාරගනු ඇත.
මේවනවිට ආරක්ෂක හේතුන් මත කෝපායි පොලිසියේ අවි ගබඩාවද යාපනය පොලීසියට රැගෙන ගොස් තිබේ.
තවත් මාස දෙකකින් පමණ කෝපායි පොලීසිය නැවත ස්ථාපිත කිරීමට කටයුතු කරන බව උසස් පොලිස් නිලධාරියෙක් සඳහන් කළේය.
