අලුත් ගෑස් පරණ ගෑස් කියා දෙයක් නැති බවත් අධිකරණ නියෝගය අනුව අද සිට ගෘහස්ථ ගෑස් සිලින්ඩරවල ගෑස් අන්තර්ගතය ප්රදර්ශනය කරන බවත් ලිට්රෝ ගෑස් සභාපති තෙෂාර ජයරත්න පැවසුවේය.
ඒ අනුව ගෘහස්ථ ගෑස් සිලින්ඩරවල බඳෙහි ප්රොපේන් 30% සහ බියුටේන් 70%ක් ලෙස සඳහන් වී තිබෙනු ඇති බව හෙතෙම අද ජනාධිපති මාධ්ය කේන්ද්රයේදී පැවති මාධ්ය හමුවේ දී කීය.
ඇතැම් ගෑස් සිලින්ඩරවල පැරණි මුද්රාවට උඩින් නව මුද්රාව අලවා තිබීම පිළිබඳ ජනතාව කරන චෝදනාව සම්බන්ධයෙන් මාධ්යවේදියෙක් මෙහිදී විමසූ ප්රශ්නයට පිළිතුරු දෙමින් සභාපතිවරයා මෙසේද කීය.
“අලුත් ගෑස් පරණ ගෑස් කියලා එකක් නෑ. අධිකරණ නියෝගයට අනුව තමයි අදාළ stricker ඇලවීම සහ සංයුතිය සඳහන් කිරීම වැනි පියවර අරන් තියෙන්නේ. ගෑස් සිලින්ඩර්වල සංයුතිය සඳහන් කරන්නත් යම් කාලයක් යනවා. දැනට දින 5ක් පහක් තිස්සේ අපි ගෑස් වෙළෙඳ පළට නිකුත් කරලා නෑ. ඒ නිසා මේ හිඟය තව ටික දවසක් පවතීවි”
කෙසේ වෙතත් අද මාධ්ය වාර්තා කළේ ප්රොෆේන් -බියුටේන් සංයුතිය 30 -70 වෙනුවට අභියාචානාධිකරණ නියෝගය උල්ලංඝණය කරමින් ලිට්රෝ සමාග ඇලවූ ස්ටිකරයේ ඇත්තේ ප්රොෆේන් සියයට 25 -40 ලෙසත් බියුටේන් 75 – 60 ලෙසත්ය.
