අද (20) මධ්යම රාත්රියෙන් පසු එලඹෙන ඕනෑම මොහොතක පාර්ලිමේන්තුව විසිරුවා හැරීමේ බලය ව්යවසථානුකූලව ජනාධිපතිවරයාට හිමිවෙයි.
2019 ජනාධිපතිවරණයෙන් පත්වූ ශ්රි ලංකාවේ හත්වන විධායක ජනාධිපතිවරයා වන ගොඨාභය රාජපක්ෂ ධුරයෙන් අස්වීමෙන් පසුව අනුප්රාප්තික ජනාධිපතිවරයා ලෙස පත්වූ වර්තමාන ජනාධිපතිවරයාට ආණ්ඩුක්රම ව්යවස්ථානුකූල ව එකී බලතල හිමිවේ.
ආණ්ඩුක්රම ව්යවස්ථාවේ 70 (අ) වගන්තියට අනුව පාර්ලිමෙන්තු මැතිවරණයක් පවත්වා වසර දෙකකුත් මාස හයක් ගිය තැන පාර්ලිමේන්තුව විසිරුවා හැරීමේ බලය ජනාධිපතිවරයාට හිමිවන අතර ඒ අනුව 2020 වසරේ අගෝස්තු මාසයේ 05 වැනිද පැවැත්වූ පාර්ලිමෙන්තු මැතිවරණයයෙන් අනතුරුව කැඳවූ පළමු පාර්ලිමෙන්තු රැස්වීම පවත්වන්නේ එම වසරේ අගෝස් මස 20 වැනිදාය. එදිනට වසර දෙකකුත් මාස හයක් පූර්ණය වන්නේ අද මධ්යම රාත්රියටය.
ආණ්ඩුක්රම ව්යවස්ථාවේ සඳහන් වන්නේ “පාර්ලිමේන්තුව විසිරුවා හරින ලෙස යෝජනා සම්මතයක් මඟින් පාර්ලිමේන්ිතුව ජනාධිපතිවරයාගෙන් ඉල්ලා සිටියහොත් මිස ඒ පාර්ලිමේන්තුව පළමු වරට රැස්වීමට නියමිත දින සිට සිට අවුරුදු දෙකකුත් මාස හයකට නොඅඩු කාලසීමාවක් ඉකුත් වන තෙක් ජනාධිපතිවරයා විසින් පාර්ලිමේන්තුව විසිරුවා නොහැරිය යුත්තේය යනුවෙනි.
කෙසේ වුවද ජනාධිපති රනිල් විකුමසංහ ඊයේ මහනුවර දී ඉඟි කළේ මෙම වසරේ ආර්ථිකය ගොඩ නගා ලබන වසරේ මැතිවරණ ක්රියාදාමයන් වෙත යොමු වීම සුදුසු බවය.
