හිටපු ජනාධිපති ලේකම් සමන් ඒකනායකට අද (1) දින අපරාධ පරීක්ෂණ දෙපාර්තමේන්තුව හමුවේ පෙනී සිටීම අවශ්ය නොවන බව එම දෙපාර්තමේන්තුව දැනුම් දී තිබේ.
හිටපු ජනාධිපතිවරයාගේ මාධ්ය අංශය පැවසුවේ අද දිනයේ පෙනී නොසිටින ලෙස දැනුම් දී ඇති බවය.
හිටපු ජනාධිපතිවරයා එංගලන්තයේ සිදුකළ සංචාරයට අදාළව සිදුකරන විමර්ශනය සඳහා ප්රකාශයක් ලබාගැනීමට අද පෙරවරු 9ට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙසට ඔහුට මීට පෙර දැනුම් දී තිබුණි. මෙම දැනුම් දීම ඔහුට කරන්නේ දෙවැනි වරයට. පළමුවර ඔහුව කැඳවා පැය 06ක ප්රකාශයක් ඔහුගෙන් ලබාගෙන තිබිණි.
මේ අතර හිටපු ජනාධිපතිවරයාගේ මාධ්ය අධ්යක්ෂවරයා ලෙස සේවය කළ ධනුෂ්ක රාමනායක මාධ්යයට ප්රකාශ කර තිබුණේ එංගලන්තයේ වොල්වර්හැම්ප්ටන් විශ්ව විද්යාලයේ පැවති උපාධි ප්රදානොත්සවය සඳහා රනිල් වික්රමසිංහ වෙත නිල ආරාධනයක් කළ බවට එම විශ්ව විද්යාලය යළිත් වරක් තහවුරු කර ඇති බවය.
