තවමත් අරගලයෙන් පාලඩමක් ඉගෙන ගත්තේ නැති දේශපාලකයින් වයඹ පළාත තුළ සිටින බව නව ආණ්ඩුකාර ලක්ෂ්මන් යාපා අබේවර්ධන පවසයි.
හිරු ටීවී, රූපවාහිනිය සමග කෙටි සාකච්ඡාවකට එක් වෙමින් වයඹ නව ආණ්ඩුකාරවරයා කීවේ තනතුරු සඳහා පරිණත දේශපාලකයින් පත්වීමේ අවශ්යතාවය කඩා වැටුණු වියත් මගෙන් පෙනන බවය.
“වයඹ කියන්නේ අමාරු දේශපාලකයින් ඉන්න පළාතක්… ඔවුන් සියලු දෙනාම සමග වැඩ කරන්න මට ශක්තිය තියනවා. මා අවුරුදු 40ක් දේශපාලනය කරලා මීට වඩා අමාරු පිරිසක් සමග ගනුදෙනු කළ කෙනෙක්. “
බැසිල් රාජපක්ෂ විසින් වයඹ ආණ්ඩුකාර තනතුර සඳහා තමන්ගේ නම යෝජනා කළ බව කී ලක්ෂ්මන් යාපා අබේවර්ධන කීයෙ.
මා පොහොට්ටුවේ සාමාජිකයෙක් සහ සංවිධායකයෙක් ලෙස කටයුතු කරනාව. ඒත් මම මේ කිව යුතුයි.
“තනතුරුවලට විද්වතුන් ගත්තා. උගතුන් ගත්තා. වියත් මගෙන් ආවා. ඒ සියල්ල අද කඩන් වැටිලා. අද්මිරාල් ඔෆ් ද ෆ්ලීට් වසන්ත කරන්නාගොඩ හා වයඹ පළාතේ දේශපාලනය අතර විශාල ගැටුමක් ඇති වී තිබුණා. ඔහු අභ්යන්තරයේත් විශාල ගැටලු ප්රමාණයක් නිර්මාණය කළා ඔහුට ගැටලුව පැමිණියේ පොහොට්ටුවෙන් පමණක් නොවෙයි… සියලුම දේශපාලන පක්ෂවලින්. “
“ඒ වගේමයි නැගෙනහිර ආණ්ඩුකාරවරියට ගැන කිව්වත්. ඇයටත් විශාල ගැටලු ප්රමාණයක් තිබුණා. එක් අවස්ථාවකදි මතයක් තිබුනා වෙනත් රටක් සමග ගිවිසුමකට යන්න ඇය උත්සාහ කළා කියලා මධ්යම රජය නොදැනුවත්ව. එසේමයි මහජන නියෝජිතයන් අතරත්… එහිත් ඇයට ගැටලුවක් තිබ්බා. නුවරට ගිහින් මහානායක හිමිවරු හම්බවෙලා ආණ්ඩුවේ ප්රතිපත්ති විවේචනය කළා. ජනාධිපතිවරයාගේ නියෝජිතයෙකුට ජනාධිපතිවරයාගේ හෝ රජයේ ක්රියාකලාපය ප්රසිද්ධියේ විවේචනය කරන්න බෑ. එහෙම කරනවා නම් ඒ තනතුරින් ඉල්ලා අස්වෙලා ඒ විවේචනය කරන්න ඕන.”
තමන්ගේ අභිලාෂය වයඹ සිටින අපහසු දේශපාලකයින් සමග අවබෝධයෙන් කටයුතු කිරිම බවත් තමන්ගේ දශක හතරක අත්දැකීම් ඒ සඳහා ප්රමාණවත් වනු ඇති බවත් නව වයඹ ආණ්ඩුකාර ලක්ෂ්මන් යාපා අබේවර්ධන කීවේය.
“ මගේ ගමන යන්නම බැරිනම් ජනාධිපතිවරයාට කියලා ගෙදර යනවා.” ඔහු වැඩිදුරටත් කීවේය.
