බස්නාහිර, සබරගමුව, මධ්යම, වයඹ, උතුරු සහ උතුරු-මැද පළාත්වලත් ගාල්ල, මාතර සහ ත්රිකුණාමලය දිස්ත්රික්කවලත් විටින් විට වැසි හෝ ගිගුරුම් සහිත වැසි ඇතිවන බවත්, මෙම ප්රදේශවල ඇතැම් ස්ථානවල මි.මී. 75 ට වැඩි තරමක තද වැසි ඇති විය හැකි බවත් කාලගුණ විද්යා දෙපාර්තමේන්තුව නිවේදනය කර ඇ..
පසුගිය පැය 24 තුළ වැඩම වර්ෂාපතනය මාකෙලි ඇල්ල ප්රදේශයෙන් වාර්තා වී තිබිණි. එය මිලි මීටර 90.5කි.
මේ අතර වාරිමාර්ග දෙපාර්තමේන්තුව පැවසුවේ ගාල්ල, මාතර, කළුතර, කොළඹ, නුවර, සහ නුවරඑළිය, රත්නපුර දිස්ත්රික්කයන් වෙත අධික වර්ෂාපතනයක් ලැබුණු බවය.
එමෙන්ම කැලණි, අත්තනගලු, ගිං, බෙන්තර ආශ්රිතවද මිලිමීටර් 50කට ආසන්න වර්ෂාපතනයක් ලැබී ඇති බවත් මෙම වර්ෂාපතනය හමුවේ වැඩිම බලපෑම සිදුව ඇත්තේ කළු ඟග ආශ්රිතව බවත් ඒ අනුව එහි ජල මට්ටම සීඝ්ර ලෙස ඉහළ ගොස් ඇති බවත් වාරිමාර්ග දෙපාර්තමේන්තුව පැවසීය.
කළු ගඟේ ජල මට්ටම ඉහළ යාම හේතුවෙන් රත්නපුර, මිල්ලකන්ද, ඇල්ලගාව, ප්රදේශයන් හී ජල මට්ටම් වැඩි වීමක් නිරීක්ෂණය වී ඇති නමුත් පවතින වර්ෂාපතනයන් අනුව එය ගංවතුර තත්ත්වයක් දක්වා පැමිණේ යැයි අපේක්ෂා නොකරන බවද එම දෙපාර්තමේන්තුව සඳහන් කළේය.
කෙසේ නමුත් ඉදිරියේදී සැලකිය යුතු වර්ෂාපතනයක් ලැබුණ හොත් ගංවතුර තත්ත්වයන් ඇති වීමේ හැකියාව පවතින බැවින් කළු ගඟ ආශ්රිතව වෙසෙන ජනතාවට අනතුරු ඇඟවිම් සිදුකර තිබේ.
එමෙන්ම අත්තනගලු ඔය සහ කැලණි ගඟ ආශ්රිතව වෙසෙන ජනතාවද විශේෂ සැලකිල්ලෙන් සිටිය යුතු බවත් ඉදිරියේදී ලැබෙන වර්ෂාපතනයන් අනුව එම ප්රදේශ ආශ්රිතව ගංවතුර තත්ත්වයන් ඇතිවිය හැකිද යන්න ජනතාව දැනුවත් කරන බවත් වාරිමාර්ග දෙපාර්තමේන්තුව පවසයි
