ගාලුමුවදොර අරගලයට පහරදීමේ සිද්ධිය සම්බන්ධව කෙරෙන විමර්ශනයට අදාලව අත් අඩංගුවට ගත් දේශබන්දු තෙන්නකෝන් අද (21) කොටුව මහේස්ත්රාත් අධිකරණයට ඉදිරිපත් කිරීමට නියමිතව තිබේ.
ඊයේ හවස මිරිහානේ පිහිටි සිය පුද්ගලික නිවසේ දී දේශබන්දු තෙන්නකෝන් අත් අඩංගුවට ගනු ලබන්නේ උක්ත විමර්ශනයට අදාලව අත් අඩංගුවට ගැනීම වැළැක්වීමේ නියෝගයක් ඉල්ලා කොටුව මහේස්ත්රාත් අධිකරණයට ඉදිරිපත් කළ අපේක්ෂිත ඇප අයදුම්පත අධිකරණය විසින් ප්රතික්ෂේප කිරීමෙන් අනතුරුවය.
2022 වසරේ මැයි 9 වන දින ගාලු මුවදොර අරගලකරුවන්ට පහරදීමේ සිද්ධියට අදාළ විමර්ශනවලට අනුව හිටපු පොලිස්පති දේශබන්දු තෙන්නකෝන් මහතා එහි සැකකරුවෙකු ලෙස නම්කර තිබිණි.
එම අරගලකරුවන්ට පහරදීමේ සිද්ධියෙන් අනතුරුව රට පුරා දැවැන්ත කැරැල්ලක ස්වරූපයක් මතුවී අවසානයේ දී රටේ ජනාධිපතිවරයාට රට හැර යාමටත් සිදුවිය.
