කීර්ති ප්රනාන්දු –
ආනයනික ලොකු ලූනු හා අර්තාපල් තොග මිල අඩුවීමේ වාසිය තවමත් පාරිභෝගිකයින්ට ලැබී නැති බව වෙළෙඳපල විමසීමේ දී අනාවරණය වේ.
මේ වන විට ආනයනය කරන අර්තාපල් කිලෝවක තොග මිල රුපියල් 100ත්105 ත් දක්වා ද ,ලොකු ලූනු කිලෝවක තොග මිල රුපියල් 130ත්135ත්දක්වාද පහත බැස ඇතැයි පිටකොටුව තොග වෙළෙන්දෝ සහ ආනයනකරුවෝ පවසති.
මේ අතර සුපිරි සහ සෙසු වෙළඳසැල්වල අර්තාපල් කිලෝව රුපියල් 420ත් 450ත් මිලටත් ලොකු ළූණු කිලෝවක් රුපියල් 200 සහ 220 අතර මිලකත් අද වන අතර ලංකා සතොස හා කෝප් සුපර් වෙළඳසැල්වල අර්තාපල් කිලෝව රුපියල් 285 – 130 මිලටත් ලොකු ලූනු කිලෝව රුපියල් 170 සහ 180 මිලකට අලෙවි කරන බව වෙළඳපොලේ කළ සොයා බැලීම් වලදී අනාවරණය විය .
විශේෂයෙන් මේ දිනවල ඉන්දියාවේ හා පාකිස්තානයේ අර්තාපල් සහ ලොකු ලූනු අස්වැන්න නෙලීමත් සමග ඒවායේ මිල අඩුවීමේ වාසිය මෙරට පාරිභෝගිකයන් හට ලැබිය යුතු බවද ආනයනකරුවෝ පෙන්වා දෙති
