ශ්රියානි විජේසිංහ –
වසරකට ආඝාත රෝගීන් 60000ක් පමණදෙනා ප්රතිකාර සදහා රජයේ රෝහල් වෙත ඇතුළත් වන බව ශ්රී ජයවර්ධනපුර රෝහලේ ස්නායු රෝග විශේෂඥ වෛද්ය හර්ෂ ගුණසේකර සඳහන් කරයි.
ආඝාත රෝගයට ගොදුරුවන සංඛ්යාව දිනෙන් දින ඉහළ යන බවත් වයස අවුරුදු 25ට වැඩි පුද්ගලයින්ගෙන් සෑම 4 ගෙන් 1 අයෙක් ආඝාත රෝගයට ගොඳුරු වීමේ වැඩි අවදානමක් තිබෙන බව හෙතෙම පෙන්වාදේ.
රෝගය වැලදිය හැකි අවදානම් සාධකයක් වන අධි රුධිරපීඩනය, දියවැඩියාව, රුධිරයේ ක්ලෙස්ට්රෝල් තැන්පත්වීම, දුම්පානය, මත්පැන් පානය, මානසික ආතතිය, ව්යායාම අඩුකම හා ක්ෂනික ආහාරවලට පෙලඹීම වැනි සාධක වහාම පාලනය කර ගැනීම මගින් ආඝාත රෝගයෙන් වැලදී සිටිය හැකි යැයි වෛද්ය ගුණසේකර මහතා පවසා සිටියි.
මේ අවදානම් සාධක තිබෙන්නේද යන්න පිලිබඳව සොයා ගැනීමට හා ඒවාට නිසි ප්රතිකාරයන් කිරීමට මේ වන විට රටපුරා සුවදිවි මධ්යස්ථානයන් 800ක් පිහිටුවා ඇති අතර එමගින් නොමිලේ සේවාවන් සහ ප්රතිකාරයන් ලබා දෙන බවද විශේෂඥවරයා පවසා සිටියි.
ආඝාතය මොළයට ලේ ගමන් කරන නහරයන් තුළ ලේ කැටියක් සිරවීම හෝ මොළයේ ලේ නහරයක් පුපුරා යාම හේතුවෙන් ආඝාත රෝග තත්ත්වය ඇති වන බවත් මෙහිදී රෝග ලක්ෂණයන් වන මුහුණ පැත්තකට ඇදවීම, වචන පැටලීම්, ඇවිදීමේ අපහසුව, අත්පා පණ නැතිව යාම, වැනි රෝග ලක්ෂණ මතු වුවහාම රජයේ ප්රධාන රෝහලක් වෙත වහාම රැගෙන යාමට කටයුතු කළ යුතු බවත් වෛද්ය ගුණසේකර ජනතාවට දැනුම්දී සිටියි.
මෙසේ නියමිත කාලය තුළ රෝගීන් රෝහලක් වෙත රැගෙන යාමෙන් ඔවුන්ව සිදුවිය හැකි අනතුරුදායක තත්තයන් බොහෝමයක් අවම කර ගත හැකි යැයි විශේෂඥවරයා පෙන්වා දෙයි.
ඔහු වැඩිදුරටත් අනාවරණය කරනුයේ රෝගය වැලදීමෙන් රෝහල් ගත වන රෝගීන්ට ප්රතිකාර සඳහා සහ ඔවුන්ව පුනරුත්තාපනය කිරිම සඳහා විශාල මුදලක් රජයට දැරීමට සිදුවන බවත් මෙය වලක්වා ගැනිමට සුවනාරි සායනයන් වෙත ගොස් අවදානම් සාධකයන් තිබෙන්නේද යන්න පිලිබදව හදුනාගෙන ඒවාට කල්තියා ප්රතිකාර ලබා ගැනීම වැදගත් බවත් වෛද්යවරයා පවසයි.
විශේෂඥ වෛද්ය හර්ෂ ගුණසේකර මෙම තොරතුරු සඳහන් කළේ ඔක්තෝම්බර් 29 වන දිනට යෙදෙන ලෝක ආඝාත දිනය වෙනුවෙන් සෞඛ්ය ප්රවර්ධන කාර්යාංශයේ අද (25) පැවති මාධ්ය හමුවේදීය.
.
