උතුරු කොරියාව සිකුරාදා දකුණු කොරියාව සමඟ ගිවිසුම්ගතව ඇති දැඩි ආරක්ෂිත සමුද්ර දේශසීමාවක් අසල මුහුදට කාලතුවක්කු වෙඩි 200 කට වැඩි ප්රමාණයක් එල්ල කළ බව හමුදා ආරංචි මාර්ග උපුටා දක්වමින් රොයිටර් පුවත් සේවය වාර්තා කරයි.
මේ සමගම නොදන්නා “තත්ත්වයක්” හේතුවෙන් දකුණු කොරියානු දූපත් දෙකක පදිංචිකරුවන්ට ඉවත් වන ලෙස ද දකුණු කොරියානු ආරක්ෂක අංශ නියෝග කර තිබේ..
මෙම නියෝගය නිකුත් කරන්නේ උතුරු කොරියානු කාලතුවක්කු වෙඩි තැබීම නිසාද, නොඑසේ නම් එම කාලතුවක්කු වෙඩි ප්රහාරවලට ප්රතිචාර වශයෙන් දකුණු කොරියානු හමුදා විසින් දියත් කරන යුද අභ්යාස හේතුවෙන් දැයි ආරක්ෂක අමාත්යාංශය තහවුරු කරන්නේ නැත.
කෙසේ වෙතත්, මෙම දූපත්වල නිවැසියන්ට යවන ලද දිවියිනේ නිලධාරියෙක් විසින් තහවුරු කෙරූ කෙටි පණිවිඩයකින් දැක්වෙන්නේ ” නාවික වෙඩි පුහුණුවක්” සිකුරාදා සවස 3 සිට (GMT 0600) දකුණු කොරියානු හමුදා විසින් සිදු කිරීමට නියමිත බවය.
මතභේදයට තුඩු දී ඇති කොරියාවේ උතුරු සීමා රේඛා (NLL) මුහුදු සීමාවට මදක් දකුණින් පිහිටා ඇති Yeonpyeong දූපතේ නිලධාරියෙක් පැවසුවේ දකුණු කොරියානු හමුදාවේ ඉල්ලීම පරිදි ඉවත් කිරීමට නියෝග නිකුත් කළ බවය.
උතුරු කොරියාවේ වෙඩි තැබීමෙන් දකුණේ සිවිල් හෝ හමුදා අංශවලට හානියක් සිදු නොවූ බව දකුණු කොරියානු හමුදාව තහවුරු කර ඇත.
“මෙය ආතතිය උත්සන්න කරන සහ කොරියානු අර්ධද්වීපයේ සාමයට තර්ජනයක් වන ප්රකෝපකාරී ක්රියාවක්” යැයි දකුණු කොරියානු ඒකාබද්ධ මාණ්ඩලික ප්රධානීන්ගේ ප්රකාශකයෙක් පැවසූ ආකාරය රොයිටර් වාර්තා කරයි.
දේශ සීමාව ආසන්නයේ ඇති වූ “තත්ත්වයකින්” පසුව මුහුදේ වෙඩි තැබීමක් සිදු වූ බව දකුණු කොරියානු හමුදාව දූපත් වාසීන්ට ප්රකාශ කළ බව නිලධාරියා පැවසීය. නමුත් එය සරඹයක්ද නැතිනම් වෙනත් හේතුවක් ද යන්න පැහැදිලි නොවීය.
යොන්පියොං නගරයට බටහිර දෙසින් සහ මුහුදු මායිම ආසන්නයේ පිහිටා ඇති බෙන්ගනියොං (Baengnyeong) දූපතේ පදිංචිකරුවන්ටද ඉවත් වන ලෙස දන්වා ඇති බව එහි නිලධාරියෙක් රොයිටර් පුවත් සේවය වෙත පවසා ඇත.
1953 දී කොරියානු යුද්ධය අවසන් වීමෙන් පසු උතුරු කොරියාව සිය අසල්වැසියාට එල්ල කළ දරුණුතම ප්රහාර 2010 දී එල්ල කළේය. ඉන් සිවිල් වැසියන් දෙදෙනෙකු ඇතුළු සිව් දෙනෙකු මිය ගිය අතර, යොන්පියොං දූපතට වෙඩි ප්රහාර ගණනාවක් එල්ල විය.
ඒ සම්බන්ධව උතුරු කොරියාව ප්රකාශ කළේ දකුණු කොරියානු සජීවී-වෙඩි අභ්යාස හරහා තමන් කුපිත කරවමින් තම මුහුදු සීමාවට ෂෙල් වෙඩි ප්රහාර එල්ල කළ බවය.
