WhatsApp පරිශීලකයින් ඉලක්ක කරගනිමින් ව්යාජ ඇමතුම් සහ පණිවිඩ හරහා එක් වරක් භාවිතා කළ හැකි මුරපද (OTP) ලබා දී එය ලබා ගන්නා පරිශීලකයින්ගේ ගිනුම් තුළට ප්රවේශ වීමෙන් එම ගිනුම්වල පාලනය අත් කරගෙන සිදුකරන අන්තර්ජාල අපරාධයක් සම්බන්ධව අපරාධ පරීක්ෂණ දෙපාර්තමේන්තුව මහජනතාවට හදිසි අනතුරු ඇඟවීමක් නිකුත් කර තිබේ.
සයිබර් අපරාධකරුවන් WhatsApp වෙත එවන තම OTP අංකය සහතික කිරීමට පුද්ගලයින් පොළඹවා ගැනීම ගැනීම සඳහා හඬ ඇමතුම් සහ රැවටිලිකාර කෙටි පණිවිඩ ඇතුළු අනවසර WhatsApp සන්නිවේදන භාවිතා කරන බව විමර්ශන අංශ කියයි.
එම OTP ලබාගත් පසු, වංචාකරුවන්ට වින්දිතයාගේ WhatsApp ගිණුමට සම්පූර්ණ ප්රවේශය ලැබෙන අතර, එමඟින් පරිශීලකයා ලෙස පෙනී සිටිමින් මුදල් ඉල්ලා සිටීමේ උත්සාහයන් පමණක් නොව තමන්ට අවශ්ය සන්නිවේදනයන් සමූහ වෙත යැවීමට ඉඩ ලබා ගනී.
එවැනි මූල්ය වංචා අඛණ්ඩව මතුවන බැවින්, විමසිලිමත් වන ලෙස අපරාධ පරීක්ෂණ දෙපාර්තමේන්තුව මහජනතාවගෙන් ඉල්ලා සිටී.
කිසිදු තත්වයක් යටතේ කිසිදු අන්තර්ජාල ගිණුමකට ලැබෙන OTP අංක හෝ සත්යාපන කේත අන් අය සමඟ බෙදා නොගන්නා ලෙස පොලිසිය මහජනතාවට උපදෙස් දෙයි.
