බන්ධනාගාරගත කර සිටින හිටපු අමාත්යවරයකු වන සරණ ගුණවර්ධන වැලිකඩ බන්ධනාගාරයේ කාර්යාල පිරිසුදු කිරීමේ කටයුතු සඳහා යොදවා ඇතැයි බන්ධනාගාර ආරංචිමාර්ග සඳහන් කරයි.
ඒ අනුව හිටපු අමාත්යවරයා බන්ධනාගාර භූමියේ ඇති පුස්තකාලය, ලේඛනාගාරය ඇතුළු කාර්යාල කිහිපයක් පිරිසුදු කිරීමේ කටයුතුවල මේ දිනවල නිරතව සිටින බව එම ආරංචි මාර්ග තහවුරු කළේය.
සරණ ගුණවර්ධන මෙලෙස බන්ධනාගාරගත කරනු ලැබුවේ ඔහු 2006 වසරේ සංවර්ධන ලොතරැයි මණ්ඩලයේ සභාපතිවරයා ලෙස කටයුතු කළ සමයේ කුලී පදනම මත වාහන ලබාගැනීමේදී සිදුකළ මූල්ය අක්රමිකතා හතරකට වරදකරු වීම හේතුවෙනි.
අල්ලස් හෝ දූෂණ චෝදනා විමර්ශන කොමිෂන් සභාව විසින් පවරා තිබූ මෙම නඩුවල තීන්දුව ප්රකාශයට පත් කරමින්, කොළඹ මහාධිකරණ විනිසුරු මොහොමඩ් මිහායිල් නියෝග කළේ චෝදනා හතරටම වෙන් වෙන්ව බරපතළ වැඩ සහිත වසර 4 බැගින් සමස්තයක් ලෙස වසර 16 ක බරපතළ වැඩ සහිත සිරදඬුවමක් ඔහුට පනවන ලෙසයි. ඊට අමතරව රුපියල් ලක්ෂ 18 ක දඩ මුදලක් ද අධිකරණය විසින් නියම කරනු ලැබීය.
1954 අංක 11 දරන අල්ලස් පනතේ 70 වැනි වගන්තිය ප්රකාරව “දූෂණය” යන වරද යටතේ ඔහුට එරෙහිව මෙම චෝදනා ගොනු කර තිබුණි. සංවර්ධන ලොතරැයි මණ්ඩලයට අක්රමවත් ලෙස වාහන කුලියට ලබාගනිමින්, රජයේ සහ මහජන මුදල් අවභාවිත කරමින් අයුතු වාසි ලබාදීම මෙමඟින් ඔප්පු වී ඇත. කෙසේ වුවද, ඔහුගේ වත්මන් සෞඛ්ය තත්ත්වය සලකා බන්ධනාගාර පුස්තකාලය සහ ලේඛනාගාරය පිරිසිදු කිරීමේ කටයුතු සඳහා ඔහුව මෙලෙස අනුයුක්ත කර තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
