දිනසේන රතුගමගේ –
කිළිනොච්චිය ඩිපෝ හන්දිය අසල පැවති මැයි දින රැලියට ප්ලාස්ටික් සෙල්ලම් පිස්තෝලයක් රැගෙන පැමිණි සැකකරු නිදහස් කිරීමට කිළිනොච්චිය පොලිසිය පියවර ගෙන තිබේ.
පෙළපාලිය පැවති ස්ථානයේ ආරක්ෂක රාජකාරියේ නිරතව සිටි පොලිස් විශේෂ කාර්ය බලකායේ නිලධාරීන් විසින් සිදු කළ පරීක්ෂාවකදී මෙම පුද්ගලයා සන්තකයේ තිබූ ප්ලාස්ටික් පිස්තෝලය සොයාගෙන ඔහු අත්අඩංගුවට ගෙන තිබිණි.
අනතුරුව සැකකරු වැඩිදුර විමර්ශන සඳහා කිළිනොච්චිය පොලිසිය වෙත භාර දී ඇති අතර, එහිදී සිදු කළ දීර්ඝ ප්රශ්න කිරීම්වලින් අනාවරණය වූ තොරතුරු අධිකරණයට ඉදිරිපත් කිරීමෙන් පසු මැයි 02 වනදා ඔහුව නිදහස් කිරීමට පියවර ගෙන ඇත.
තමන් මෙම ප්ලාස්ටික් සෙල්ලම් පිස්තෝලය මිල දී ගත්තේ කුඩා දරුවාට සෙල්ලම් කිරීම සඳහා බවත්, එය රැගෙන නිවසට යන අතරතුර මැයි රැලිය නැරඹීමට පැමිණි අවස්ථාවේදී මෙම අත්අඩංගුවට පත්වීම සිදු වූ බවත් ඔහු පොලිසිය හමුවේ ප්රකාශ කර තිබේ.
