සූරියවැව – නුවන් ජයසේකර-
-
අසූ හැවිරිදි ව්යාපාරිකයා ලඟ ඉන්ධන ලීටර 2200ක්….
බලපත්ර නොමැතිව නීතිවිරෝධී ලෙස ඉන්ධන තොග සන්තකයේ තබාගෙන සිටි 80 හැවිරිදි ව්යාපාරිකයෙකු සහ 25 හැවිරිදි තරුණයෙකු අම්බලන්තොට සහ සූරියවැව ප්රදේශවලදී පොලිස් අත්අඩංගුවට ගෙන තිබේ.
අම්බලන්තොට, ජන්සගම ප්රදේශයේදී ඊයේ (21) රාත්රියේ සිදුකළ වැටලීමකදී ඩීසල් ලීටර් 2200ක තොගයක් සමඟ 80 හැවිරිදි ව්යාපාරිකයා අත්අඩංගුවට පත්විය. පොලිසියට ලැබුණු තොරතුරකට අනුව සිදුකළ මෙම වැටලීමේදී අනාවරණය වී ඇත්තේ සැකකරු සතුව වැලි කැණීමේ ව්යාපාරයක් සහ ස්කැවේටර් යන්ත්රයක් පවතින බවයි. එම කටයුතු සඳහා මෙම ඉන්ධන තොගය රැගෙන ආ බව සැකකරු මූලික ප්රශ්න කිරීම්වලදී පවසා ඇත.
මේ අතර, සූරියවැව තැලවිල්ල ප්රදේශයේදී ඊයේ (21) සවස සිදුකළ තවත් වැටලීමකදී ඩීසල් ලීටර් 75ක් සහ පෙට්රල් ලීටර් 30ක් සන්තකයේ තබාගෙන සිටි 25 හැවිරිදි තරුණයෙකු අත්අඩංගුවට ගෙන තිබේ. සූරියවැව පොලිස් ස්ථානයට ලද තොරතුරක් මත මෙම වැටලීම සිදුකර ඇත.
අත්අඩංගුවට ගත් සැකකරුවන් දෙදෙනාම හම්බන්තොට මහේස්ත්රාත් අධිකරණයට ඉදිරිපත් කිරීමට නියමිතය. අම්බලන්තොට පොලිසිය සහ සූරියවැව පොලිස් ස්ථානාධිපති පොලිස් පරීක්ෂක රාජරත්නම් ඇතුළු නිලධාරීන් කණ්ඩායමක් මේ පිළිබඳ වැඩිදුර විමර්ශන පවත්වති.
මේ වනවිට අනවශ්ය ලෙස ඉන්ධන තොග රැස් කරන පුද්ගලයින් අත්අඩංගුවට ගැනීමට සහ නීතිමය පියවර ගැනීමට රජය දිවයින පුරා මෙහෙයුම් ආරම්භ කර ඇත. පොලිස්පතිවරයාගේ උපදෙස් මත විශේෂ කණ්ඩායම් යොදවා ඇති අතර, බලපත්ර නොමැතිව ඉන්ධන තබා ගත් කූඨ වෙළෙන්දන් ගණනාවක් මේ වනවිට පොලිස් අත් අඩංගුවට පත් වී සිටිති.
ඉන්ධන තොග රැස් කරන්නන් පිළිබඳ තොරතුරු 1997 ක්ෂණික අංකය අමතා දැනුම් දිය හැකි අතර, එවැනි වැටලීම් සඳහා තොරතුරු ලබා දෙන්නන්ට තෑගි පිරිනැමීමට ද පොලිසිය තීරණය කර ඇත
