වත්මන් ත්රස්තවාදය වැලැක්වීමේ පනත (PTA) සම්පූර්ණයෙන්ම අහෝසි කර, ජනතාවගේ අයිතිවාසිකම් ආරක්ෂා වන පරිදි සකස් කළ නව ප්රගතිශීලී පනතක් උපරිම තව මාස තුනක් තුළ දී සම්මත කරන බව අධිකරණ හා ජාතික ඒකාබද්ධතා අමාත්ය හර්ෂණ නානායක්කාර පවසයි.
අද (19) කිලිනොච්චියේ පැවැති සිවිල් සංවිධාන සහ මහජන නියෝජිතයින් සමඟ වූ විශේෂ සාකච්ඡාවකට එක්වෙමින් අමාත්යවරයා මේ බව අවධාරණය කළේය.
නව පනත මේ වනවිටත් කෙටුම්පත් කර අවසන් අදියරේ පවතින බව පෙන්වා දුන් අමාත්යවරයා එහිදී වැඩිදුරටත් මෙසේ ද අදහස් දැක්වීය.
“වත්මන් ත්රස්තවාදය වැලැක්වීමේ පනත අහෝසි කරලා සංශෝධන සහිතව නව පනතක් ගේනවා. ඒක දැන් තියෙන්නෙ අවසන් අදියරේ. ඒක ගෙනාවට පස්සේ ඔයගොල්ලන්ට තේරේවි අනෙක් ආණ්ඩුවලට වඩා කොච්චර හොඳට ප්රගතිශීලීව, මිනිස්සුන්ගේ අයිතිවාසිකම් ආරක්ෂා වෙන විදිහට අපි ඒක හදලා තියනව ද කියලා.
ඒ පනත හදලා තියෙන්නේ ඇත්තටම ත්රස්තවාදය වැලැක්වීමට මිසක් කිසිම ආගමක්, ජාතියක් හෝ පුද්ගලයෙක් ඉලක්ක කරගෙන නෙමෙයි. ඉතාම කෙටි කාලයකින් අපි මේක කැබිනට් මණ්ඩලයට ඉදිරිපත් කරලා අනුමැතිය අරන් පාර්ලිමේන්තුවට ඉදිරිපත් කරනවා.
මම හිතනවා තව මාස දෙකක් හෝ තුනක් ඇතුළත මේක ඉදිරිපත් කරන්න පුලුවන් කියලා. ඒ නිසා අනිවාර්යයෙන්ම පරණ PTA එක අහෝසි වෙනවා. අලුත් පනතක් එනවා. ඒක මේ අවුරුද්දේ අනිවාර්යයයි.”
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
