වෛද්ය වෘත්තියේ ආචාර ධර්ම සහ අයිතිවාසිකම් සුරැකීමේ අරමුණින් යුතුව නව වෛද්ය වෘත්තීය සමිතියක් පිහිටුවීමට අද ( 12) කටයුතු කර ඇත.
දේශපාලනිකව වඳ භාවයට පැමිණ වෘත්තීය ගෞරවයත් අයාලේ යවමින් රටම මිත්යාවේ ගිල්වන ඇති එක් වෛද්ය වෘත්තීය සමිතියක් විසින් සමස්ත වෛද්ය සේවය මත ආධිපත්ය පතුරුවමින් ඇති අවස්ථාවක මෙම නව වෛද්ය සංගමය නිර්මාණය කෙරෙන බව එහි ප්රකාශකයෙක් ලංකාසරට පැවසීය.
වෛද්ය ආචාර ධර්මවල සපුරා පටහැණි වන පරිදි විවිධ මිත්යා මත, ඖෂධ පිළිබඳ මිත්යාවන්, ආහාර පිළිබඳ මිත්යාවන් ප්රවර්ධනය කිරීමට එක් වෛද්ය සංගමයක් කටයුතු කිරීම සමස්තයක් ලෙස රටේ සෞඛ්ය පද්ධතියට බරපතළ හානිකර තත්වයක් මතු කර ඇති ආකාරය ඔහු පැහැදිලි කළේය.
රජයේ වෛද්ය නිලධාරීන්ගේ සංගමය වෛද්යවරුන්ට බලපාන ගැටලු, රෝහල්වල පවතින අඩුපාඩු, රෝගීන්ට සේවා සැපයීමේදී පවතින දුෂ්කරතා යනාදිය සම්බන්ධයෙන් මැදිහත් වෙමින් රටේ ජනතාවට වඩාත් ඉහළ සෞඛ්ය සේවාවක් සැපයීමට ක්රියාකාරී වනවා වෙනුවට එක් දේශපාලන පක්ෂයකට අනුබද්ධ බාල වෘත්තීය සමිතියක් ලෙස කටයුතු කිරීමත් ඔවුන්ගේ දේශපාලන වුවමනා එපාකම් සංතෘප්ත කිරීම වෙනුවෙන් අනවරතයෙන් ක්රියාත්මක වීමත් පසුගිය කාලය පුරාම නිරීක්ෂණය විය.
මේ අශිෂ්ට දේශපාලන ගැති භාවයට නොගොස් වෘත්තිකයින් ලෙස කටයුතු කිරීමේ වගකීම සහිතව වෛද්යවරුන් ඇතුළු සමස්ථ සෞඛ්ය ක්ෂේත්රය තුළ සාධනීය කථිකාවක් ඇති කිරීමේ පෞරුෂයක් සහිත නව සංවිධානයක අවශ්යතාවය සමස්ථයක් ලෙස රටම අපේක්ෂා කළේය.
ශ්රේණිගත වෛද්යවරුන්, වෛද්ය පරිපාලකයින් සහ විශේෂඥ වෛද්යවරුන් යන කාණ්ඩ තුනම සහිතව මෙම නව වෘත්තීය සමිතිය බිහි වන්නේ උක්ත ජාතික අවශ්යතාවය වෙනුවෙන් බව එම සංගමයේ ප්රකාශකයෙක් පැහැදිලි කළේය.
