දිනසේන රතුගමගේ –
1989 දී ඉන්දීය සාම සාධක හමුදාව විසින් වැල්වැටිතුරෙයි ප්රදේශයේදී සිදු කරණ ලද ජන සංහාරයට හසු වූ පවුල් වල පුද්ගලයින්ට ශ්රී ලංකා රුපියල් බිලියන 4.5 ක වන්දියක් ගෙවිය යුතු බව ජාත්යන්තර සත්ය සහ යුක්තිය ව්යාපෘතිය ප්රකාශ කර තිබේ.
ජාත්යන්තර සත්යය සහ යුක්තිය ව්යාපෘතිය (ITJP) යනු ශ්රී ලංකා සිවිල් යුද්ධයේ අවසන් අදියරේදී සිදු වූ යුද අපරාධ සම්බන්ධයෙන් ශ්රී ලංකා රජය වගකිව යුතු බවට සාක්ෂි රැස් කිරීම සඳහා 2013 දී පිහිටුවන ලද මානව හිමිකම් රාජ්ය නොවන සංවිධානයකි. දකුණු අප්රිකාවේ පිහිටා ඇති මෙම ආයතනය එක්සත් රාජධානියේ ලන්ඩනයේ පුද්ගලික සීමා සහිත සමාගමක් ලෙස ලියාපදිංචි කර ඇත
එහි විධායක අධ්යක්ෂවරිය වන්නේ ශ්රී ලංකාවේ වගවීම පිළිබඳ මහලේකම්වරයාගේ විශේෂඥ මණ්ඩලයේ එක්සත් ජාතීන්ගේ වාර්තාවේ සාමාජිකාවක් ලෙස සේවය කළ යස්මින් සූකා ය.
වැල්වැටිතුරෙයි පුරවැසි කමිටුවේ අනුග්රහයෙන් ජාත්යන්තර සත්යය සහ යුක්තිය ව්යාපෘතිය විසින් සකස් කරන ලද වැල්වැටිතුරෙයි සංහාරයේදී සිදු වූ පාඩු සඳහා වන්දි නිර්දේශ කරමින් නිකුත් කළ වාර්තාව වැල්වැටිතුරෙයි පුරවැසි කමිටුවේ ලේකම් එන්. අනන්තරාජ් විසින් වැල්වැටිතුරෙයි ජන සංහාරය සිදු වූ ස්ථානයේදී ඉදිරිපත් කරණු ලැබීය.
එම වන්දි ගෙවීමේ නිර්දේශයන්ට අනුව ප්රහාරයෙන් මියගිය 66 දෙනා වෙනුවෙන් රුපියල් රුපියල් මිලියන 29.75 ක් වන්දි වශයෙන් ලබා දීමට නිර්දේශ වී තිබේ.
තුවාල ලැබූ 36 දෙනා සඳහා වන්දි වශයෙන් රුපියල් මිලියන 1.38 ක්ද, විනාශ වූ දේපළ සඳහා වන්දි වශයෙන් රුපියල් මිලියන 57.59 ක්ද, නිර්දේශ කොට ඇති අතර 1989 සිට 2025 වසර දක්වා වූ කාලයට පොලිය වශයෙන් රුපියල් බිලියන 4.43 ක මුදලක්ද නිර්දේශ වී ඇත.
මෙම වන්දි මුදල නිර්දේශ වීමෙන් පසුව යාපනයේ සංහාරය සිදු වූ වැල්වෙට්ටිතුරෙයි ස්ථානයේදී පහන් හා ඉටිපන්දම් දල්වා මියගිය පිරිස සිහිපත් කළ අතර එම අවස්ථාවට වැල්වැටිතුරෙයි පුරවැසි කමිටුවේ ලේකම් එන්. අනන්තරාජ්,ලේකම් එම්.ඒ. සුමන්තිරන්, චාවකච්චේරි නගර සභාවේ උප සභාපති එන්. කිෂෝර්, ප්රාදේශීය සභා සභාපති උදයකුමාර් යුගතීස්, කරවෙට්ටි ප්රාදේශීය සභා උප සභාපති ටී. දයාපරන්, වඩමරච්චි උතුරු ධීවර සමුපකාර සමිති සංගමයේ සභාපති ටී. චන්ද්රදාස්, උප සභාපති එන්. වර්ණකුලසිංහම්, වෙළඳුන්ගේ සංගමයේ ලේකම් මයුරන්, ඉඩම් අයිතිවාසිකම් සංවිධානයේ මුරලිදරන්, වඩමරච්චි මාධ්ය ආයතනයේ සභාපති කේ. මහාලිංගම්, වෙළඳුන්ගේ සංගමයේ විධායක කමිටුවේ සාමාජිකයින් සහ තවත් බොහෝ පීඩාවට පත් මහජනතාව සහභාගී වී සිටියහ.
