ආණ්ඩුක්රම ව්යවස්ථාවේ 21 වැනි සංශෝධනය පාර්ලිමේන්තුවේ දී සම්මත වී ද්විත්ත්ව පුරවැසියන්ට පාර්ලිමේන්තු මන්ත්රී ධුරයක් දැරිය නොහැකිව සිය මන්ත්රී ධුරය අහෝසි වුවහොත් රටින් පිටව යෑමට හිටපු ඇමති බැසිල් රාජපක්ෂ තීරණය කර ඇති බව පොදුජන පෙරමුනේ ආරංචි මාර්ග සඳහන් කරයි.
මේ බව බැසිල් රාජපක්ෂ පොදුජන පෙරමුනේ සිය සමීපතමයින් පිරිසක් සමග පසුගිය දා පැවති සාකච්ඡාවක දී පවසා ඇතැයි එම ආරංචි මාර්ග කීවේය.
මේ අතර 21 වැනි සංශෝධනයේ ඇති ද්විත්ව පුරවැසියෙක් සම්බන්ධ යෝජනාව ඉවත් කරගැනීමට හෝ එම සංශෝධනය බැසිල් රාජපක්ෂ වෙනුවෙන් පාර්ලිමේන්තුවේ දී පරාජයට පත් කිරීමට පොහොට්ටුවේ බැසිල් හිතවාදීන් උපරිම උත්සාහයක නිරත වී සිටින බව උක්ත ආරංචි මාර්ග සඳහන් කළේය.
මේ සම්බන්ධව අප කළ විමසීමක දී පොදුජන පෙරමුණේ ප්රකාශකයෙක් ලංකාසරට පැවසුවේ විපක්ෂයේ සහ ආණ්ඩුවේ මන්ත්රීවරුන් සමග 21 වැනි සංශෝධනය පරාජය කිරීම සඳහා වන සාකච්ඡාවට ගණනාවක් බැසිල් රාජපක්ෂගේ උපදෙස් මත දැනට පවත්වා ඇති බව ය .
පොදුජන පෙරමුණ බිහි කළේත් එය ජයග්රහණය කරා ගෙන ඒම සඳහා පෙරගමන් කරු වූයේත් බැසිල් රාජපක්ෂ බව පවසන ඔහු බැසිල් නොසිටින්නට ගෝඨාභය රාජපක්ෂට ජනාධිපතිකමත් නැති බව කීවේය. පොදු ජන පෙරමුණට තුනෙන් දෙකක බලයක් ලබා ගත නොහැකි බවත් පෙන්වා දුන්නේය.
එවැනි පුද්ගලයෙක් එක්වර දේශපාලන කුණු කූඩයට විසි කිරීමට ඉඩ ලබා නොදෙන බවත්, බැසිල්ගේ කැපකිරීම වෙනුවෙන් බැසිල්ගේ මන්ත්රී ධුරය ආරක්ෂා කර දීම සඳහා හැකි උපරිමව කැපවන බවත් එම ප්රකාශකයා පැවසුවේය.
