අක්කරෙයිපත්තු අධිකරණ සංකීර්ණයේ ලේඛනාගාරයට ගිනි තැබූ සිද්ධියට සම්බන්ධ පුද්ගලයින් තිදෙනෙකු පොලිසිය විසින් සැකපිට අත්අඩංගුවට ගෙන තිබේ.
අක්කරෙයිපත්තු අධිකරණ සංකීරණ ලේඛනාගාරයේ පසුගිය 21 දා අලුයම 4.10ට පමණ හටගත් ගින්නකින් එහි නඩු කටයුතුවලට අදාළ වටිනා ලියකියවිලි රැසක් විනාශ වී ගියේය.
අක්කරෙයිපත්තුව පොලිසියේ ජල බවුසරයක් සහ අක්කරෙයිපත්තුව මහ නගර සභාවේ ගිනි නිවන ඒකකයේ ජල බවුසරයක් ගෙන්වා ගෙන ගින්න නිවාදමා තිබුණ නමුත් ඒ වනවිටත් නඩු ගොනු සියල්ලම පාහේ විනාශ වී ඇතැයි පොලිසිය කීවේය.
ඒ සිද්ධිය පිළිබඳ පරීක්ෂණ පැවැත්වූ අක්කරෙයිපත්තු පොලිසිය මෙම සැකකරුවන් අත්අඩංගුවට ගෙන තිබේ.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව මාධ්යයට පවසා තිබුණේ සැකකරුවන් වෙනත් අයෙකුගේ උපදෙස් මත මෙම පරිශ්රයට ගිනි තබා ඇති බවට අනුමාන කිරීමට කරුණු ඇති බවය.
සැකකරුවන් තිදෙනා අද (29) අක්කරෙයිපත්තුව අධිකරණයට ඉදිරිපත් කිරීමට නියමිතය.
මේ තිදෙනාගෙන් සැකකරුවන් දෙදෙනෙකු අක්කරපත්තුව පෙරිය නිලාවේලි ප්රදේශයේ පිහිටි නිවාසවල සැඟවී සිටියදී අත්අඩංගුවට ගෙන ඇත.
අනෙක් සැකකරු අත්අඩංගුවට ගෙන ඇත්තේ අක්කරපත්තුවේදීය.
පොලිසිය පැවසුවේ සැකකරුවන් තිදෙනාටම අක්කරපත්තුව අධිකරණයේ මින් පෙර නඩු විභාග වෙමින් ඇති බවය.
