දිනසේන රතුගමගේ –
රුපියල් ලක්ෂ අටක් පමණ වටිනා බුරුත දැව තොගයක් පටවා ගත් වාහනයකට වවුනියාව පොලීසියේ නිලධාරීන් වෙඩි තබද්දී සැකකරුවන් පිරිස වාහනය දමා පලා ගොස් තිබේ.
ඊයේ සවස (24) වවුනියාවේ පාලමෝඩ්ඩේ සිට වාහනයකින් අනවසර බුරුත දැව තොගයක් ප්රවාහනය කරණ බවට වවුනියාව නියෝජ්ය පොලිස්පති සාමාන්ත විජේසේකරට ලැබුණු තොරතුරක් මත ඔහු විසින් පොලිස් නිලධාරීන් පිරිසක් අදාල ප්රදේශයට යවා තිබේ.
බුරුත දැව පටවා ගෙන පැමිණි වාහනය පොලිස් නිලධාරීන් දැක එහි සිටි එක් නිලධාරියෙකුද යට කරගෙන පලා යාමට උත්සාහ කළ අවස්ථාවේදී පොලිස් නිලධාරීන් වාහනයට වෙඩි තබා ඇත.
එක දිගටම වාහනයට වෙඩි වාර පහක් එල්ල කිරීමෙන් පසුව වාහනයේ සිටි සැකකරුවන් දෙදෙනෙකු වාහනය දමා කැලයට පැන පලා ගොස් තිබේ.
මෙම බුරුත දැව තොගය වවුනියාවේ කල්මඩු රක්ෂිත වනයෙන් කපා ගෙන ඕමන්ත හරහා වවුනියාවේ දැව මඩුවක් වෙත රැගෙන යමින් සිටි බවට පොලීසියට තොරතුරු ලැබී තිබේ.
දැව තොගය සමග වාහනය අත් අඩංගුවට ගෙන ඇති පොලීසිය පලා ගිය සැකකරුවන් අත් අඩංගුවට ගැනීමට පරීක්ෂණ ආරම්භ කොට ඇත.
