ශ්රියානි විජේසිංහ –
වෛද්යවරුන්ට ලබා දුන් DAT දීමනාව ලබා දෙන්නැයි ඉල්ලමින් හෙට උදෑසන 6.30 සිට දිවයිනපුරා රෝහල්වල සෞඛ්ය කාර්ය මණ්ඩල සාමාජිකයින් අඛණ්ඩ වැඩ වර්ජනයක නිරතව වීමට තීරණය කළ බව වෘත්තීය සමිති සන්ධානය සඳහන් කරයි.
මෙම රුපියල් 35000ක දීමනාව වෛද්යවරුන්ට පමණක් ලබා දීම අසාධාරණ බව පවසමින් වෙනත් සෞඛ්ය සේවා ද මෙම දීමනාව ඉල්ලා සිටිති.
මුදල් අමාත්යංශය නිලධාරින්, සෞඛ්ය අමාත්යංශය නිලධාරින් සහ වෘත්තීය සමිති නියෝජිතයින් අතර අද පැවති සාකච්ඡා අසාර්ථක වීම හේතුවෙන් මෙම තීරණය ගත් බව වෘත්තීය සමිති සන්ධානයේ කැඳවුම්කරු රවී කුමුදේශ් සඳහන් කරයි.
රෝහල් තුළ හදිසි අනතුරු සිදුකරන නමුත් බාහිර රෝගි ප්රතිකාරයන් , සායනික ප්රතිකාර සහ සැලසුම්කළ සැත්කම් මේ අනුව නතර වෙනු ඇත.
වෛද්යවරුන්ට ලබා දුන් DAT දීමනාවට සාපේක්ෂව සෞඛ්ය වෘත්තිකයන්ගේ මූලික වැටුපට සාපේක්ෂව මෙම දීමනාව ලබා දීමට බලධාරින් මේ මොහොතේ සිදුකළ නොහැකි බව පැවසීම හේතුවෙන් වර්ජනය ආරම්භ කිරිමට කටයුතු කරන බව සන්ධාන සාමාජිකයෝ සදහන් කරති .
මෙම වර්ජනය දිවයින පුරා රෝහල්තුල ක්රියාත්මක වුවද ළමා රෝහල්, මාතෘ රෝහල්, පිලිකා රෝහල්, වකුගඩු රෝහල් සහ මධ්යම ලේ බැංකුව තුල ක්රියාත්මක නොවන බව සඳහන්වේ.
