හිටපු ජනාධිපති රනිල් වික්රමසිංහ වෙනුවෙන ජනාධිපති ආරක්ෂක කොට්ඨාසයට අනුයුක්ත කර සිටි පොලිස් නිලධාරීන් 300ක් යළි කැඳවා ඇත්තේ ඔහුගේ ආරක්ෂාවට තර්ජනයක් ඇති නොවන ආකාරයට බවත් හිටපු ජනාධිපතිවරයාගේ ආරක්ෂාවට යොදවා සිටි පොලිස් විශේෂ කාර්ය බලකායේ 50 දෙනෙක් ඇතුළු ආරක්ෂක අංශ නිලධාරින් තවදුරටත් ඒ ආකාරයෙන්ම කටයුතු කරන බවත් පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව පවසයි.
පොලිස් මාධ්ය ප්රකාශකවරයා උපුටා දක්වමින් අද දෙරණ වාර්තා කරන්නේ හිටපු ජනාධිපතිවරයාගේ ආරක්ෂාවට මේ කැඳවිමෙන් කිසිදු තර්ජනයක් සිදුවී නැති බවත් හිටපු ජනාධිපතිවරයා වෙත ලබා දිය යුතු නිලධාරීන් ගණන කඩිනමින් තක්සේරු කර ලබා දීමට කටයුතු කරන බවත්ය.
එමෙන්ම වත්මන් ජනාධිපති අනුර කුමාර දිසානායක ගේ ජනාධිපති ආරක්ෂක කොට්ඨාසය ස්ථාපිත කිරීම සඳහා අවශ්ය නිලධාරීන් සංඛ්යාව මේ වනවිට තීරණය කර ඇති බවත් එම නිලධාරීන් ප්රමාණයට වඩා සිටින අතිරික්ත නිලධාරීන් ඉවත්කිරීම ද සිදුව ඇති බවත් වාර්තා වේ.
