දිනසේන රතුගමගේ –
එල්.ටී.ටී.ඊ.සංවිධානය විසින් යුද සමයේදී මුලතිව් පුදුකුඩීඉරිප්පු දේවීපුරම් ප්රදේශයේ රත්තරන් හා අවි ආයුධ තොගයක් වළ දමා ඇති බවට පුදුකුඩීඉරිප්පු පොලීසියට ලැබුණු තොරතුරක් මත අදාල ඉඩමේ කැණීම් කටයුතු ඊයේ (9 ) ආරම්භ කොට තිබේ.
පොලීසිය විසින් මුලතිව් අධිකරණයෙන් ලබා ගත් නියෝගයකට අනුව මෙම කැණීම් කටයුතු ආරම්භ වූ අතර එම කැණීම් මුලතිව් මහේස්ත්රාත්වරයා ඉදිරිපිටදී සිදු කෙරුණි.
බැකෝ යන්ත්රයක ආධාරයෙන් සිදු කෙරුණු මෙම කැණීම් වල මුල් අඩි 8 ක ගැඹුරේදී කිසිදු සැකකටයුතු යමක් හමු වී නොතිබුණි.
එල්.ටී.ටී.ඊ.සංවිධානයේ හිටපු සාමාජිකයෙකු විසින් මුලතිව් පුදුකුඩීඉරිප්පු පොලීසියට ලබා දෙන ලද රහසිගත තොරතුරකට අනුව මෙම ස්ථානයේ කැණීම් කටයුතු ආරම්භ කොට ඇත.
