යහපාලන රජය සමයේ වියළි කලාප සංවර්ධන අමාත්යවරිය ලෙස කටයුතු කරමින් රජයට පාඩු සිදුකළ බවට චෝදනා ලැබ සිටින චන්ද්රානි බණ්ඩාරට එරෙහි නඩුව ලබන 10 වනදා කැඳවන ලෙස කොළඹ මහාධිකරණය අද (28) නියෝග කළේය.
අල්ලස් කොමිසම විසින් ඉදිරිපත් කර ඇති මෙම නඩුවේ චෝදනා පත්රය සංශෝධනය කිරීම සම්බන්ධයෙන් වන අධිකරණ තීන්දුව එදිනට ප්රකාශ කිරීමට නියමිතය.
විත්තියේ නීතිඥවරුන් පෙන්වා දුන්නේ නඩුවේ ප්රධාන නීතිඥවරයා නොමැති අවස්ථාවක චෝදනා සංශෝධනයට අවසර ඉල්ලීම සාමාන්ය සම්ප්රදායට පටහැනි බවයි.
2019 වසරේදී අමාත්යාංශ තනතුරු සඳහා නිසි ක්රියාපටිපාටියෙන් බැහැරව ව්යාපෘති අධ්යක්ෂවරයෙකු ඇතුළු හිතවතුන් පිරිසකට පත්වීම් ලබාදීම සඳහා නිලධාරීන්ට බලපෑම් කිරීම හරහා දූෂණය නමැති වරද සිදුකළ බවට ඇයට එරෙහිව අධි චෝදනා ගොනු කර තිබේ.
