ශ්‍රියානි විජේසිංහ –
මේ වනවිට ඖෂධ හිඟය දැඩි ලෙස උඝ්‍ර වී ඇති අපේක්ෂා රෝහල මුලුමනින්ම පරිත්‍යාගශීල්ගේ ආධාර මත යැපෙන බිහිසුණු විපතකට ඇද වැටී ඇති බවත් පිළිකා රෝගීන් වෙනුවෙන් කළ හැකි පරිත්‍යාගයන් ඇතොත් හැකි ඉක්මනින් සිදුකරන්නැයි දිවයිනපුරා සිටින කාරුනික පරිත්‍යාගශීලීන්ගෙන් ඉල්ලා සිටින බවත් රෝහල් බලධාරීහු නිවේදනය කරති.
පරිත්‍යාගයන් කිරිමට හැකි අය වෙතොත් 0777468503 දුරකථන අංකය අමතා වැඩිවිස්තර ලබා ගැනීමට හැකි බවද ඔවුහු සදහන් කරති.
මේ වන විට සායනයන් වෙත පැමිණෙන ඇතැම් පිළිකා රෝගීන්ටන සායන වාර කීපයකදීම ඖෂධ නොමැති වන අවස්ථාවන පවතින බැවින් ඔවුන්ට ජීවත්විමට තිබෙන කාලය ඉතා ඉක්මනින් අඩුවෙමින් පවතින බවද රෝහල් ආරංචි මාර්ග පෙන්වාදේ.
කෙසේ නමුත් ඖෂධ නොමැතිව රෝගින්ට මියයෑමට ඉඩ ලබා දිය නොහැකි බැවින් ඖෂධ ගෙන්වීමේ වැඩපිළිවෙළ වහාම කඩිනම් කරන්නැයි ඉල්ලා ලබන සතිය තුළ අපේක්ෂා රෝහලේ සමන්ත කාර්ය මණ්ඩලට රජයට දැනෙන්නට යමක් කිරිමට සූදානමින් සිටින බව රෝහල් ප්‍රකාශයෙකු ලංකාසරට පැවසුවේය.
