සූරියවැව නුවන් ජයසේකර –
නීත්යානුකූල බලපත්රයක් සහිතව ගවයින් ප්රවාහනය කරමින් සිටි ලොරි රථයකින් රුපියල් 11000/= මුදලක් බලහත්කාරයෙන් ලබා ගැනීමේ චෝදනා මත වීරවිල පෙලිස් ස්ථානයට අනුයුක්තව සේවය කළ පොලිස් නිළධාරීන් සිව් දෙනෙකුගේ වැඩ තහනම් කර ඒ පිළීබදව විශේෂ විමර්ශනයක් ආරම්භ කර ඇති බව වීරවිල පොලිසිය පවසයි.
මෙලෙස වැඩ තහනමට ලක්ව ඇත්තේ වීරවිල පොලිසියේ සේවය කළ පොලිස් සැරයන් වරුන් දෙදෙනෙකු හා පොලිස් කොස්තාපල් වරුන් දෙදෙනෙකි.
පසුගිය 10 වන දින රාත්රි 11ට පමණ මෙම නිළධාරින් සිව් දෙනා වීරවිල පොලිස් වසමේ 19 කොළණිය ප්රදේශයේ රාත්රි මුර සංචාරයේ යෙදි සිටියදී මාර්ගයේ ගමන් ගත් ලොරි රථයක් නවතා පරික්ෂා කර තිබේ. එහිදී ලොරි රථයේ නීත්යානුකූල බලපත්රයක් සහිතව ගවයින් ප්රවාහණය කරමින් සිට ඇති නමුත් එහිදී රාජකාරියේ නිරත පොලිස් නිළධාරීන් අදාල ලොරි රථ රියදුරුට එරෙහිව සත්ව හිංසාව යටතේ නඩු පවරණ බවට බියගන්වා ඔහුගෙන් රුපියල් 11000ක මුදලක් බලහත්කාරයේ ලබාගෙන තිබේ.
මේ සම්බන්ධයෙන් වීරවිල පොලිස් ස්ථානය විසින් අදාල නිළධාරීන්ට එරෙහිව සිදුකළ මුලික විමර්ශනයේ දී ද මේ බව අනාවරණය වීම හේතුවෙන් අදාල නිළධාරීන් සිව් දෙනාගේ වැඩ තහනමට ලක් කර තිබේ.
සිද්ධිය සම්බන්ධයෙන් තංගල්ල කොට්ඨාසභාර ජ්යෙෂ්ඨ පොලිස් අධිකාරී වරයාගේ උපදෙස් පරිදි වීරවිල පොලිසිය වැඩිදුර විමර්ශන පවත්වයි.
