ශ්රියානි විජේසිංහ –
රූපලාවන්ය කටයුතු සඳහා භාවිත කරන බොහෝමයක් ආලේපන විස සහිත බව ජාතික විෂ තොරුතුර මධ්යස්ථානය සඳහන් කරයි.
මේ වන විට සම සුදුවීම සඳහා වෙළඳපලේ අලෙවි වන ආලේපන බොහෝමයක් තුළ රසදිය විශාල වශයෙන් අන්තර්ගත බව පර්යේෂණ මගින් හෙලිව ඇති බව විෂ තොරතුරු මධ්යස්ථානයේද අධ්යක්ෂ කායික රෝග විශේෂඥ වෛද්ය රවී ජයවර්ධන සඳහන් කරයි.
ලෝක සෞඛ්ය සංවිධානයේ නිර්දේශ වී ඇත්තේ මිලියන කොටස් ලක්ෂයකට රසදිය එක් රසදිය කොටසක් වත් අන්තර් ගත නොවිය යුතු බව වුවද අප රටතුළ භාවිත කරන ඇතැම් ආලේපනයන් හී මිලියන කොටස් ලක්ෂයකට 66000 – 87000 අතර ප්රමාණයක් රසදිය කොටස් අන්තර්ගත වී ඇතැයි අධ්යක්ෂවරයා පෙන්වාදේ.
සම සුදුවිම සඳහා භාවිත කරන ආලේපනයන් හි අන්තර් ගත රසදිය අපගේ ස්වේද ග්රන්ථි හරහා ශරීර ගතවී ශරීර අභ්යන්තර ඉන්ද්රියන්ට විශාල වශයෙන් හානි පමුනුවන බවත් එහි ප්රතිපලයන් ලෙස වකුගඩු රෝග, පෙනහලු රෝග, රුධිරගත රෝග, ස්නායු ආබාධ, මතකය හීනවිම ඇතුළු රෝග ගණනාවක් ඇතිවිමට හේතු වන බවත් ඔහු පවසා සිටියි.
එසේම රසදිය නැතහොත් මර්කරි සම අභ්යන්තරයේ දිගුකාලයක් තැන්පත් වී සමේ පිළිකාවන් ඇතිකරන බවද මේ වන විට සමේ පිළිකා ඇතිවූ රෝගීන්ගේ ගණනද ඉහළ යමින් පවතින බව වෛද්ය ජයවර්ධන හෙළි කරයි.
ආලේපනයන්හී අන්තර්ගත රසදිය සම හරහා ශරීර ගතවීමෙන් ශරීරයේ පවතින මෙලනින් සාදන සෛල විනාශ කරන බැවින් සම සුදුවර්ණයෙන් දිස්වන බවත් මෙය වසර දෙකක පමණ කාලයක් පවතින සුදක් වන අතර නැවති සමේ පැවති දිප්තිය නැතිවී සම රෝගී කරවන බවත් හෙතෙම පැවසීය.
මෙලනින් නිපදවන සෛල මගින් මෙලනින් වර්ණකය නිපදවා අපගේ සම දුඹුරු පැහැය හෝ කළු පැහැය ඇති කරනුයේ හිරු එළියේ පවතින පාරජම්බුල කිරණින් සමට සිදුවිය හැකි හානියෙන් ආරක්ෂා කිරිම යැයිද එම ස්වාභාවික සංසිද්ධිය විනාශ කිරිමට කටයුතු කිරිමෙන් සිදුවන හානිය ඉතා බරපතල බවද අධ්යක්ෂවරයා පවසා සිටියි.
ජූනි 3 – 9 දක්වා කාලය තුළ යෙදී ඇති ජාතික විෂ නිවාරණ සතිය නිමිත්තෙන් සෞඛ්ය ප්රවර්ධන කාර්යාංශයේ අද (29) පැවති මාධ්ය සාකච්ඡාවකදීය.
