සූරියවැව නුවන් ජයසේකර –
තිස්සමහාරාම සාමගුලිය ප්රදේශයේ වැව් ඉස්මත්තේ වගාභූමියක පිහිටි වාඩියක සැඟවී සිටි සැකකරුවෙකු ගිනි අවි 02ක් හා විවිධ වර්ගයේ ජීව උණ්ඩ 17ක් සමග තංගල්ල කොට්ඨාස අපරාධ විමර්ශන ඒකකයේ නිලධාරින් විසින් ඊයේ ( 11 ) අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ තිස්සමහාරාම,කාවන්තිස්සපුර ප්රදේශයේ පදිංචි 37 හැවිරිදි “චුටී” නැමති අන්වර්ථනාමයෙන් හඳුන්වනු ලබන හිටපු හමුදා සෙබලෙකි.
පොල්හේන්ගොඩ යුධ හමුදා පොලිස් විශේෂ විමර්ශන ඒකකයේ නිලධාරීන් විසින් ලබාදෙන ලද තොරතුරකට අනුව තංගල්ල කොටඨාසභාර ජ්යෙෂ්ඨ පොලිස් අධිකාරී වරයාගේ උපදෙස් පරිදි මෙම වැටලිම සිදුකර තිබේ.
වැටලීමේදී සැකකරු සන්තකයේ තිබී මෙරට නිෂ්පාදිත බෙහෙත් කොටන තුවක්කු 02 ක්, T- 56 වර්ගයේ ජීව උණ්ඩ 11 ක්, M.P.M.G වර්ගයේ ජීව උණ්ඩ 03ක් හා M- 16 වර්ගයේ ජීව උණ්ඩ 03 ක් අත්අඩංගුවට ගෙන තිබේ.
අත්අඩංගුවට පත් සැකකරුගෙන් සිදුකළ මුලික ප්රශ්න කිරිමේදී අනාවරණය වී ඇත්තේ සැකකරු කලක් ගජබා රෙජිමේන්තුවේ සේවය කරන ලද යුධ හමුදා සෙබලෙකු බවත්, පසුව ඔහු 2013 වසරේ නීත්යානුකූලව යුධ හමුදාවෙන් ඉවත්ව ඇති බවත්ය.
සැකකරු කලක සිට විදෙස්ගතව සැඟවී සිටින සංවිධානාත්මක අපරාධ කරුවෙකු වන කොස්ගොඩ ප්රදේශයේ පදිංචි “ජයසේකර චුටි” නැමැත්තා සමග සමීප සබධතා පවත්වා ඇති බවද විමර්ශනවලදී අනාවරණය වි තිබේ. සැකකරු වැඩිදුර විමර්ශන සඳහා තිස්සමහාරාම පොලිසියට බාර දී ඇති අතර ඔහු තිස්සමහාරාම මහේස්ත්රාත් අධිකරණයට ඉදිරිපත් කිරිමට නියමිතය.
තංගල්ල කොට්ඨාශභාර ජ්යෙෂ්ඨ පොලිස් අධිකාරී නිපුන දෙහිගම ගේ උපදෙස් පරිදි තංගල්ල කොට්ඨාශ අපරාධ විමර්ශන ඒකකයේ ස්ථානාධිපති ප්රධාන පොලිස් පරීක්ෂක ඩබ්ලිව්.එස්. වසන්ත කුමාරගේ මෙහෙයවිම මත පොලිස් සැරයන් (44974) මංජුල නිළධාරීයාගේ ප්රධානත්වයෙන් පොලිස් සැයන් වරුන් වන (19894)උදයංග,(68435)චමින්ද පොලිස් කොස්තාපල් වරුන් වන (79437)ප්රතාපසිංහ,(36847)වීරසේකර හා (89893)මදුරංග යන නිලධාරීන් එක්ව වැටලීම සිදුකර සැකකරු අත්අඩංගුවට ගෙන තිබේ.
