ශ්රි ලංකාවට ඉතා කඩිනමින් ඩොලර් බිලියන 4කට ආසන්න මූල්ය සහනයක් අවශ්යව ඇති බවත් ලබන අප්රියෙල් මස 18 වැනිදා ජාත්යන්තර මූල්ය අරමුදල සමඟ සාකච්ඡා ආරම්භ කරන බවත් මුදල් අමාත්ය අලි සබ්රි මහතා පවසයි.
බ්ලූම්බර්ග් රූපවාහිනිය සමඟ සම්මුඛ සාකච්ඡාවකට සහභාගී වෙමින් අලි සබ්රි මහතා ප්රකාශ කළේ විශේෂයෙන් ඉන්ධන, ආහාර ඇතුළු අත්යවශ්ය දුව්ය මිලදී ගැනීම සඳහාත් ගෙවුම් ශේෂය කළමනාකරණය කර ගැනීම සඳහාත් මෙම මුදල් අවශ්ය ව ඇතිබවයි.
මේ වනවිට රටේ ආර්ථිකය නිවැරදි දිශානතියකට ගෙන යාමට සමත් වෘත්තිකයන් කණ්ඩායමක් අතට වගකීම් භාර දී ඇති බවද සඳහන් කළ මුදල් අමාත්යවරයා නව මහ බැකු අධිපති නන්දලාල් වීරසිංහ මහතා සහ නව භාණ්ඩාගාර ලේකම් මහින්ද සිරිවර්ධන මහතා පළපුරුදු වෘත්තකියක් දෙදෙනකු බවත් ජාත්යන්තර අරමුදල සමඟ සාකච්ඡා කිරීම සඳහා පත් කර ඇති ශාන්ත දේවරාජ්න් සහ කුමාරස්වාමි මහත්වරුන් ජාත්යන්තර කීර්තියට පත් විද්වතුන් දෙපළක් බවත් ඔහු පවසයි.
ඔවුන් මේ වනවිට මෙම ජාත්යන්තර මූල්ය අරමුදලට අවශ්ය කටයුතු කරගෙන යන බවත් පවති රජය ජාත්යන්තර අරමුදලට විශ්වාස කළ හැකි බහුතර බලයක් සහිත ස්ථාවර ආණඩුවක් බවත් ඔහු එහිදි පෙන්වා දුන්නේය.
අපට නිශ්චිතව කියව නොහැකි වුණත් ඉතා ඉක්මනින්ම ඩොලර් බිලියන 3ත 4ත අතර ප්රමාණයක මුදලක් අවශ්ය වනවා. විශේෂයෙන් මේ වනවිට අපෙ රටේ ජනතාවට සාමාන්ය ජන ජීවිතයක් පවත්වාගෙන යාමට ප්රමාණවත් ඉන්ධන, ආහාර පිසීමේ ගෑස් සහ අත්යවශ්ය ආහාර ඖෂධ ලබා ගැනීම ට අවශ්යයි. ඊට අවශ්ය මූල්ය පහසුකම් අපට සොයා ගැනීමට අවශ්යයි. ජාත්යන්තර මූල්ය අරමුදල සඳහා යන ගමනේද අපට සම්පූර්ණ කළ යුතු තවත් පියවරක් තමයි පවතින ණය ප්රතිව්යූහගතකරණය. මේ සඳහාද මේ වනවිට වැඩ කටයුතු සිදුවෙමින් තිබෙනවා. අනෙක් කරුණ ආර්ථිකය යළි සුපුරුදු රිද්මයට තල්ලු කිරීම. එයටද මේ වනවිට අවශ්ය කටයුතු යෙදෙමින් පවතිනවා. මේ සියල්ල අතරේ රටේ මූල්ය ප්රතිපත්තිවල වෙනස්කම් අප සිදු කරගෙන යනවා. විශේෂයෙන් රුපියල අවප්රමාණය කිරීම, ඉදිරියේදී සිදු කිරමට නියමිත බදු ප්රතිපත්ති සංශෝධන , රාජ්ය වියදම් අඩු කිරීම වැි කටයුතු සිදුවෙමින් පවතිනවා.
අපට චීනය එනම් ඉන්දියාවත් මේ වවිට ආධාර ලබා දී අප අර්බුදයෙන් මුදා ගැනීමට පොරොන්දු වී තිබෙනවා. ඔවුන්ගේ සහයත් අප ලබා ගැනීමට උත්සාහ කරනවා.කොහොම වුණත් ඉතිරි මාස 6ක් 9ක් වසරක් යන තෙක් අපට අසීරු කාලයක් ගත කිරීමට සිදුවනවා. එහෙත් අපට රටේ ආර්ථිකය සුපුරුදු මාර්ගයකට ගත හැකියි. “ යයි ද පැවසීය.
