සිරිපා වන්දනාවේ යන්නන් සඳහා එන්නත්කරණය සම්පූර්ණ කළ බවට තහවුරු කෙරෙන එන්නත් කාඩ් පත හෝ එහි පිටපතක් ළඟ තබා ගැනීම අනිවාර්ය කිරීම ඇතුළු සෞඛ්ය මාර්ගෝපදේශ සම්බන්ධව විධිමත් වැඩපිළිවෙළක් ක්රියාත්ම කිරීමට සූදානම් බව සෞඛ්ය අංශ නිවේදනය කරයි.
විශාල පිරිසක් සිරිපා වන්දනාවට පැමිණෙතැයි අපේක්ෂා කරන බැවින් මේ ඔමික්රොන් කොවිඩ් ප්රභේදයේ ගොදුරක් නොවී වන්දනා සමය කළමනාකරණය කරගැනීම ඉතාම දුෂ්කර කටයුත්තක් වනු ඇති බව ද සෞඛ්ය අංශ පෙන්වා දෙයි.
රට කොවිඩ් ව්යසනයෙන් විනාශ නොවී තබා ගැනීමට නම් වන්දනාකරුවන් ඉතා දැඩි විනයකින් හැසිරිය යුතු බව මෙන්ම නිශ්ඡිත සෞඛ්ය මාර්ගෝපදේශ පිළිපදිමින් හැසිරීම, මුව ආවරණ පැලඳීම හා සමාජ දුරස්ථභාවය ආරක්ෂා කරගැනීම අතිශයින්ම වැදගත් බව සෞඛ්ය බලධාරීහු පවසති.
සෞඛ්ය පිළිවෙත් සම්බන්ධව අවධාරණය කරන රත්නපුර දිස්ත්රික් ලේකම් මාලනී ලොකුපෝතානගම පවසන්නේ ශ්රී පාද වන්දනාවේ පැමිණෙන පිරිස් ශ්රී පාද මළුව තුළ රැඳී නොසිට වන්දනාව නිමකළ වහාම පිට වී යා යුතු බවය.
සිරිපා වන්දනා සමය උඳුවප් පොහොය යෙදෙන මෙම මස 18 වනදා ආරම්භ ලබන වසරේ මැයි මස 16 දා නිමාවට පත් වේ.
