ලලිත් චාමින්ද –
-
ඉංජිනේරු සේවයේ නිලධාරියෙක් ස්ථාන මාරුවකින් තොරව අවුරුදු 23ක් තිස්සේ සේවයේ… තවත් නිලධාරියෙක් අවුරුදු 14ක වැටලීම් අංශයේ… ගණකාධිකාරීවරයෙක් අවුරුදු 11ක් අධ්යක්ෂක (මුදල්) වැය තනතුරේ…
ශ්රිලංකා පරිපාලන සේවයට අයත් නිලධාරින් 05 දෙනෙකු සෞඛ්ය අමාත්යංශයේ වසර 06 සිට වසර 15 දක්වා කාලයක් තිස්සේ සේවය කරණු ලබන බව සෞඛ්ය අමාත්යංශය සම්බන්ධයෙන් කරණු ලැබු විගණන පරික්ෂණයකදි අනාවරණය වී ඇත.
එමෙන්ම ශ්රිලංකා ඉංජිනේරු සේවයේ නිලධාරින් 08 දෙනෙකු ස්ථාන මාරුවිමකින් තොරව වසර 06 සිට වසර 23 දක්වා කාලයක් සෞඛ්ය අමාත්යංශයේ සේවය කරන බව මෙකී විගණන පරික්ෂණයේ දි අනාවරණය වි ඇත.
අමාත්යංශයේ අතිරේක ලේකම් (ප්රසම්පාදන) ලෙස සේවය කරණ නිලධාරියා රාජ්ය පරිපාලන ස්වදේශ කටයුතු පළාත් සභා හා පළාත් පාලන අමාත්යංශ ලේකම්ගේ අංක 75/10/3600 දරණ 2020 මාර්තු මස දිනැති ලිපිය මගින් වාහම ක්රියාත්මක වන පරිදි විදුලි බල හා බලශක්ති අමාත්යංශයට මාරුකෙට ඇත.
එහෙත් කිසිදු විධිමත් අනුමැතියකින් තොරව මෙම නිලධාරියා 2023 අප්රේල් මස 06 දින වනවිටත් සෞඛ්ය අමාත්යංශයේ සේවය කරන බව විගණනය මගින් අනාවරණය කොට ඇත.
එමෙන්ම 2007 වර්ෂයේ සේවයට වාර්තාකළ තවත් නිලධාරියෙකු වර්ෂ 14ක කාලයක් හදිසි වැටලිම් අංශයේ සේවය කරන බවද විගණන වාර්තාවේ සඳහන් වේ.
අමාත්යංශයේ අධ්යක්ෂක (මුදල්) වැය තනතුරේ සේවය කරනු ලබන ශ්රි ලංකා ගණකාධිකාරි සේවයේ නිලධාරියකු වසර 11ක කාලයක සිට එම තනතුරේ රාජකාරි කරන බවද විගණන වාර්තාවේ සඳහන් වේ.
