දළදා වන්දනාව සඳහා මේ වනවිට යොමු වී සිටින පිරිස් මහ මළුව වෙත යොමු කරනු ලබන ප්රධාන ප්රවේශ මාර්ග තුනෙන් එකක් වූ වැව රවුමේ අම්පිටිය මංසන්ධියේ රතු බෝක්කුව අසලින් රැස්වන ජනතාව සංඝරාජ මාවත ඔස්සේ ( මහා මායා ප්රාථමික විද්යාලය ඉදිරිපිටින් ) ගොස් බිසෝකොටුව උල්පැන්ගේ අසලින් ක්වීන්ස් හෝටලය ඉදිරිපිට සකසා ඇති ගුවන් පාලම අසලින් මහ මහළුවට ප්රවේශ වීමට දක්වා ඇති මාර්ගයේ යම් කිසි නොසන්සුන්තාවයක් ඇති වී තිබෙන බව වාර්තා වේ.
මෙම ස්ථානයේ රැඳී සිටින බැතිමතුන් පවසන්නේ දින දෙකක් පුරා පෝලිමේ රැඳෙමින් සිටි පිරිස් නොසලකා එක්වරම පාලනයකින් තොරව විශාල කණ්ඩායමක් පොලිසිය විසින් ඉදිරියට යොමු කළ තත්ත්වයක් තුළ මේ නොසන්සුන්තාවය ඇති වී තිබෙන බවය.
දැන් මෙම තත්ත්වය පොලිසියට ද පාලනය කරගැනීමට අපහසු තැනකට පත් වී ඇතැයි ඔවුහු කියති. මේ වනවිට පොලිසිය වැඩි බරක් සහිතව එවැනි ගැටලු සහගත ස්ථාන වෙත යොමු වෙමින් තත්ත්වය කළමනාකරණය කිරීමට කටයුතු කරමින් සිටී. සාමාන්ය බැතිමතුන්ට දළදා වන්දනාවට ඉඩ ලැබෙන සේ සිරි දළදා දැක්ම විවෘත වන්නේ සවස 3ට පමණය.
මේ ලිපියත් කියවන්න…
බැතිමතුන්ට දළදා වන්දනාවට ඉඩ ලැබෙන්නේ මෙහෙමයි… ජනපතිත් දළදා වඳින්න එක්වීමට නියමිතයි…
