දළදා වන්දනාවට එන පිරිස් නිසි ලෙස හඳුනාගෙන හැසිරවීම සදහා විශේෂ ස්ටිකරයක් හෙට සිට පෝලිම්වල සිටින ජනතාවට ලබා දීමට කටයුතු කරන බව මධ්යම පළාත් නියෝජ්ය පොලිස්පති සුදත් මාසිංහ පවසයි.
මේ වනවිට කොළඹ සිට එම ස්ටිකර් නුවරට රැගෙන එමින් තිබෙන බව වාර්තා වේ. පෝලිමෙන් පිට දළදා වැඳීම වැලැක්වීමත් මෙම ස්ටිකර් පැළඳවීමේ අරමුණ බව පොලිසිය කියයි.
කෙසේ වෙතත් හෙට දිනත් දියවඩන නිලමේවරයාගේ අනුදැනුම මත විශේෂ පෝලිමකින් දළදා වැන්දවීමේ සූදානමක් පවතින බව දළදා මාළිගාවේ අභ්යන්තර ආරංචි මාර්ග අනාවරණය කරන පසුබිමක මෙම ස්ටිකර්වලින් කොපමණ ප්රමාණයක් හොර පාරෙන් දළදා වන්දවන පිරිස් වෙත ලබා දී ඇතිදැයි තතු දත් පිරිස් පොලිසියෙන් විමසමින් ඇත.
