දමස්කස් හි පල්ලියකට ඊයේ ( 22) එල්ල වූ මරාගෙන මැරෙන ප්රහාරයකින් අවම වශයෙන් පුද්ගලයින් 20 දෙනෙකු මිය ගිය බව සිරියාවේ අභ්යන්තර කටයුතු අමාත්යාංශය ඉස්ලාමීය නිවේදනය කළේය.
සිරියාවේ අභ්යන්තර කටයුතු අමාත්යාංශය නිවේදනයක් නිකුත් කරමින් කියා සිටියේ “ඩෙයිෂ් (IS) ත්රස්තවාදී කණ්ඩායමට සම්බන්ධ මරාගෙන මැරෙන ප්රහාරකයෙකු දමස්කස් අගනුවර ඩ්වේලා ප්රදේශයේ ශාන්ත එලියාස් පල්ලියට ඇතුළු වූ අතර එහිදී ඔහු වෙඩි තබා පුපුරණ ද්රව්ය රැසකින් තමාවම පුපුරුවා ගත්” බවය.
ජාත්යන්තර ප්රජාව මෙම ප්රහාරය හෙළා දුටුවේය. ඔවුන් සිරියාවෙන් ඉල්ලා සිටියේ රටේ සුළු ජාතීන්ගේ ආරක්ෂාව තහවුරු කරන ලෙසය. නමුත් නව පාලනයට සිය භූමියේ ආරක්ෂාව තහවුරු කරගැනීමට නොහැකි තත්ත්වයක් උද්ගත වී තිබේ.
සිරියාවේ දිගුකාලීන පාලක බෂාර් අල්-අසාද් දෙසැම්බර් මාසයේදී ඉස්ලාමීය නායකත්වයෙන් යුත් හමුදා විසින් බලයෙන් පහ කිරීමෙන් පසු සිරියානු අගනුවරට මේ ආකාරයෙන් එල්ලවූ පළමු ප්රහාරය මෙය ය. වර්ෂ 2011 දී රටේ සිවිල් යුද්ධය පුපුරා යාමෙන් පසු එහි පල්ලියකට එල්ල වූ පළමු ප්රහාරය ද මෙය වේ.
රාජ්ය ප්රවෘත්ති ඒජන්සිය වන SANA විසින් ප්රකාශයට පත් කරන ලද සෞඛ්ය අමාත්යාංශ ප්රකාශයක මෙම ප්රහාරයෙන් පුද්ගලයින් 20 දෙනෙකු මිය ගොස් 52 දෙනෙකු තුවාල ලබා ඇති බව සඳහන්ය. ආයුදයක් සහිතව පිටතින් ඇතුළු වූ කෙනෙක් වෙඩි තැබීමට පටන් ගත් බවත්, ඔහු තමාවම පුපුරුවා ගැනීමට පෙර මිනිසුන් ඔහුව නැවැත්වීමට උත්සාහ කළ” බවත් ඇසින් දුටු සාක්ෂියක් උපුටා දක්වමින් AP පුවත් සේවය වාර්තා කර ඇත.
සිරියාව සඳහා එක්සත් ජාතීන්ගේ විශේෂ නියෝජිත ගයර් පෙඩර්සන් මෙම දරුණු අපරාධය සම්බන්ධයෙන් කෝපය පළ කළ අතර, බලධාරීන්ගේ පූර්ණ පරීක්ෂණයක් සහ ක්රියාමාර්ගයක්” ඉල්ලා සිටියේය.
එක්සත් ජනපද විශේෂ නියෝජිත ටොම් බැරැක් පැවසුවේ වොෂින්ටනය සිරියාවේ සහ පුළුල් කලාපයේ අස්ථාවරත්වය සහ භීතිය ඇති කිරීමට උත්සාහ කරන අයට එරෙහිව සටන් කරන විට සිරියාවට සහාය දුන් බවය.
ජෝර්දානය ද ත්රස්තවාදයට එරෙහිව සටන් කිරීමට සහ රටේ ආරක්ෂාව ආරක්ෂා කිරීමට ගන්නා සිරියානු රජයේ උත්සාහයන්ට” සහාය පළ කළේය. ප්රංශ විදේශ අමාත්යාංශය නින්දිත ප්රහාරයක් ලෙස එය හෙළා දුටු අතර, සිරියාවේ සංක්රාන්තියක් සඳහා වූ කැපවීම නැවත අවධාරණය කළේය.
සිරියාවේ විදේශ අමාත්යාංශය මෙම ප්රහාරය විස්තර කළේ “ජාතික සහජීවනය අඩපණ කිරීමට සහ රට අස්ථාවර කිරීමට ගත් මංමුලා සහගත උත්සාහයක්” ලෙසයි.
අභ්යන්තර කටයුතු අමාත්ය අනාස් ඛට්ටබ් වින්දිතයින් වෙනුවෙන් ශෝකය පළ කළ අතර “මෙම නින්දිත අපරාධයේ තත්වයන් පිළිබඳව අමාත්යාංශයේ විශේෂිත කණ්ඩායම් පරීක්ෂණ ආරම්භ කර ඇතැ යි කීවේය.
“මෙම ත්රස්තවාදී ක්රියාවන්ගෙන් සිවිල් සාමය ආරක්ෂා කර ගැනීම සඳහා සිරියානු රාජ්යයේ උත්සාහයන් නවත්වන්නේ නැත,” ඛට්ටබ් ප්රකාශ කළේය.
