පහරදී මරා දමා අමානුෂික ලෙස ඝාතනය කර මහ මග ප්රසිද්ධියේ පුලුස්සා දැමූ පියන්ත කුමාර දියවඩනගෙන් හිස් වූ සියල්කොට් කර්මාන්ත ශාලාවේ තනතුර වෙනුවෙන් ශ්රී ලාංකිකයෙක්ම පත්කරන බව කර්මාන්තශාලා පාලන අධිකාරිය විසින් තීරණය කර තිබේ.
ආගමික සහජීවනය සහ මැදපෙරදිග පිළිබඳ පකිස්ථාන අග්රාමාත්යවරයාගේ විශේෂ නියෝජිත හාෆීස් මුහම්මද් තහීර් මෙහමුද් අෂ්රෆි සහ සුප්රසිද්ධ ආගමික විශාරද මවුලානා තරික් ජමිල් පසුගිය බදාදා (23) ස්ලාමාබාද්හි ශ්රී ලංකා තානාපති කාර්යාලයේදී ශ්රී ලංකා මහ කොමසාරිස් මොහාන් විජේවික්රම හමුවීමෙන් අනතුරුව මාධ්ය වෙත අදහස් දක්වමින් මේ බව ප්රකාශ කර ඇත.
රැස්වීමෙන් පසු මාධ්ය වෙත අදහස් දක්වමින් අෂ්රෆි සියල්කොට් සිද්ධිය හෙළා දකිමින් කියා ඇත්තේ ප්රියන්ත කුමාරගෙන් හිස් වූ තනතුට ශ්රී ලාංකිකයෙක් පත් කිරීමට අමතරව කුමාරගේ දරුවන් දෙදෙනාගේ සියලු වියදම් දැරීමට කර්මාන්තශාලා පාලනාධිකාරිය තීරණය කර ඇති බවය.
මවුලානා තරික් ජමිල් සිද්ධිය සම්බන්ධයෙන් සමාව අයැද සිටි අතර ඉස්ලාමය එවැනි ම්ලේච්ඡත්වයට ඉඩ නොදෙන බව පැවසීය.
එහිදී අදහස් දැක්වූ ශ්රී ලංකා මහ කොමසාරිස්වරයා තානාපති කාර්යාලයට පැමිණි ප්රභූවරුන් දෙදෙනාටම ස්තූතිය පළ කළ අතර පාකිස්තාන රජය ගෙන ඇති පියවර පිළිබඳව ශ්රී ලංකා රජය පූර්ණ තෘප්තිමත් බව පැවසීය.
