ආණ්ඩුක්රම ව්යවස්ථාව මගින් සහතික කර ඇති භාෂණයේ සහ ප්රකාශනයේ අයිතියට මෙන්ම, සාමකාමීව රැස්වීමට ඇති නිදහසට ශ්රී ලංකා පොලීසිය සැම විටම ගරු කරන බවත් සාමකාමී විරෝධතා සඳහා බාධාවක් නොමැති බවත් පොලිස්පති සී.ඩී වික්රමරත්න ප්රකාශ කළේය.
විශේෂ ප්රකාශයක් නිකුත් කරන පොලිස්පතිවරයා පවසන්නේ නිත්යානුකූල ලෙස සේවයේ යොදවා සිටින රජයේ සහ පුද්ගලික සේවකයින්ට බාධා කිරීමකින් වැළකී, රජයේ සහ පුද්ගලික දේපළවලට හානි සිදුනොකර තම මූලික අයිතිවාසිකම් භුක්තිවිඳීම සඳහා කටයුතු කරන ලෙස මහජනතාවගෙන් ඉල්ලා සිටින බවය.
කෙසේ වෙතත් හෙට (08) සහ අනිද්දා (09) දිනවල කොළඹ කොටුව ජනාධිපති මන්දිරය පිහිටි ප්රදේශයට උද්ඝෝෂණකරුවන් ඇතුළු වීම වැළැක්වීමේ නියෝගයක් නිකුත් කරන ලෙස කොටුව පොලිස් ස්ථානාධිපතිවරයා විසින් අධිකරණයෙන් කරන ලද ඉල්ලීමක්, කොළඹ අතිරේක මහේස්ත්රාත්වරයා විසින් ප්රතික්ෂේප කළේය.
පොලිස්පතිවරයා විසින් සිදුකළ සම්පූර්ණ ප්රකාශය පහත දැක්වේ.
