කීර්ති ප්රනාන්දු –
වැඩි මිලට සහල් අලෙවිකරණ සහ සහල් සඟවා කොළඹ පරණ යොන් වීදිය (Old Moor Street ) ව්යාපාරිකයෙක් වැඩි මිලට අලෙවි කිරීම සඳහා සඟවා තබාගෙන තිබූ කීරි සම්බා කිලෝ ග්රෑම් 2750ක් සමග අත් අඩංගුවට ගත් බව පාරිභෝගික සේවා අධිකාරිය පවසයි.
සහල් ලබා ගැනීම සඳහා පැමිණෙන පාරිභෝගිකයින්ට සහල් නැති බව පවසමින් සහල් තොග සඟවා තබා ගන්නා මෙම ව්යාපාරිකයා පිළිබඳව බස්නාහිර පළාත් පොලිස් බුද්ධි ඒකකයේ නිලධාරීන් විසින් ලබාදෙනු ලැබූ බුද්ධි තොරතුරු අනුව උපාය දූතයෙක් යොදවා සහල් අලෙවි නොකරන ආකාරය තහවුරු කරගෙන අදාල වැටලීම සිදුකිරීමට පාරිභෝගික සේවා අධිකාරිය කටයුතු කර ඇත.
එහිදී කළ පරික්ෂාවේදී කීරි සම්බා කිලෝග්රෑම් 5 අසුරන 550 ක් පමණ සොයා ගන්නා ලදී.
කිලෝග්රෑම් 2750 ක් පමණ වන සහ රුපියල් 715,000.00 ක වෙළදපොල වටිනාකමක් සහිත මෙම කීරි සම්බා සහල් අසුරන 550 ඉතා සූක්ෂම ලෙස සීනි උරවල සහ ලුණු බෑග් උරවල සඟවා තැබීම සිදුකර ඇති බව නිරීක්ෂණය වූ අතර මීට දින කිහිපයකට පෙර මෙම වෙළඳසැලම පාරිභෝගික කටයුතු පිළිබද අධිකාරිය විසින් වැටලීම් සිදුකර නඩු පවරනු ලැබූ වෙළඳසැලැක් වීමද විශේෂත්වයකි .
ඊයේ (15 ) දිනයේදීද බස්නාහිර පළාත් පොලිස් බුද්ධි ඒකකයේ නිලධාරීන් ලබාදෙන ලද තොරතුරු අනුව සිදුකරන ලද වැටලීමකදී තෝරාගත් පාරිභෝගිකයන් වෙත වැඩි මිලට අලෙවිකිරීම සදහා කොළඹ 12 ප්රදේශයේ ගබඩාවක සගවාගන තිබු රුපියල් 1,235,000.00 ක පමණ වෙළදපොල වටිනාකමක් සහිත කිලෝග්රෑම් 5 කීරි සම්බා සහල් අසුරන 950 ක් පමණ පාරිභෝගික කටයුතු පිළිබද අධිකාරියේ නිලධාරීන් විසින් සොයාගන්නා ලදී.
එමෙන්ම, පසුගිය 10 වන දිනයේද බුද්ධි ඒකකයේ නිලධාරීන් ලබාදෙන ලද තොරතුරු අනුව කොළඹ පරණ යොන් වීදිය (Old Moor Street ) ප්රදේශයේදී සිදු කරන ලද වැටලීම්වලදී රුපියල් මිලියන 4 කට වැඩි වෙළදපොල වටිනාකමක් සහිත සහල් අසුරන 3000 කට වැඩි ප්රමාණයක් සොයාගන්නා ලද අතර මේ වනවිට ඒ සම්බන්ධවද නීතිමය පියවර ගෙන ඇත.
වැඩි මිලට සහල් අලෙවිකරණ සහ සහල් සඟවා තබන වෙළදුන් සොයා සති අන්ත සහ නිවාඩු දිනවලද මෙන්ම රාත්රී කාලයේද අඛණ්ඩව වැටලීම් ක්රියාත්මක කරන ලෙස පාරිභෝගික කටයුතු පිළිබද අධිකාරියේ නිලධාරීන්ට උපදෙස් ලබාදී ඇත
