අද (28) උදෑසන සෞඛ්ය අමාත්යාංශය ඉදිරියේ දී අත් අඩංගුවට ගත් ශිෂ්ය ක්රියාකාරීන් 27 දෙනා අතරින් අන්තර් විශ්වවිද්යාල ශිෂ්ය බල මණ්ඩලයේ කැඳවුම්කරු මධුශාන් චන්ද්රජිත් තව තවත් සිසුවෙක් රක්ෂිත බන්ධනාගාරගත කර ඉතිරි සිසුන් 25 දෙනා ලක්ෂ 10 බැගින් වූ ශරීර ඇප මත නිදහස් කිරීමට මාලිගාකන්ද අධිකරණය නියෝග කළේය.
මේ ශිෂ්ය ක්රියාකාරිකයින් අද උදෑසන අත් අඩංගුවට ගනනේ අධිකරණ නියෝග උල්ලංඝණය කිරීමේ චෝදනා මතය. සිද්ධිය මෙසේය.
ඉල්ලීම් කිහිපයක් මුල් කරගනිමින් සම සෞඛ්ය විද්යා පීඨ ශිෂ්ය සංගමය සෞඛ්ය අමාත්යංශය ඉදිරිපිට ඊයේ (27) දහවල් විරෝධතාවයක නිරත විය. අන්තර් විශ්වවිද්යාල ශිෂ්ය බල මණ්ඩලයේ කැදවුම්කරු මදුෂාන් චන්ද්රජිත් ද පේරාදෙණිය විශ්වවිද්යාලයේ සමසෞඛ්ය විද්යාපීඨයේ සිසුවෙකි. ඔහුත් සමග අන්තර් විශ්වවිද්යාල ශිෂ්ය බල මණ්ඩලයේ ක්රියාකාරීන් පිරිසක් ද විරෝධතාවයේ රැඳී උන්හ.
එහිදී නියෝජිතයින් 08 දෙනෙකුට සෞඛ්ය අමාත්යංශ ලේකම්වරයා සමග සාකච්ඡාවක් හිමිවූ අතර එය අසාර්ථක වීම හේතුවෙන්, ඔවුන් තවදුරටත් එම ස්ථානයේ රැඳි සිටිමින් විරෝධය දැක්වීය.
මේ අවස්ථාවේ දී උද්ඝෝෂණය සහ පාගමන සම්බන්ධයෙන් පොලීසිය අධිකරණයට තොරතුරු වාර්තා කර ඊට එරෙහි අධිකරණ නියෝගයක් ලබාගෙන තිබිණි.
ලබාගත් නියෝගය ප්රකාරව විරෝධතාකරුවන්ට මරදාන පොලිස් වසමේ රෝහල් චතුරශ්රයට, සෞඛ්ය අමාත්යංශයට ඇතුළුවීම හා ඒ අවට පිහිටා ඇති රෝහල්වලට බාධාවන පරිදි ඩීන්ස් පාර, ද සේරම් පාර, රීජන්ට් වීදීය හා ජාතික රෝහල් චතුරශ්රය අවට ඇති මහා මාර්ගය, පදිකවේදිකා අවහිර කරමින් සිදු කරන උද්ඝෝෂණ හා පෙළපාළි තහනම් විය. එමෙන්ම එම නියෝගය අනුව සෞඛ්ය අමාත්යංශය ඉදිරිපිට රැඳී සිටීම තහනම් කර තිබුණි.
එම නියෝගය නොතැකූ විරෝධතාකරුවෝ අද පොලිස් අත් අඩංගුවට පත් වූහ.
