ශ්රී ලංකා ජාතික ක්රිකට් කණ්ඩායමේ ප්රධාන පුහුණුකරු ලෙස සනත් ජයසූරිය පත් කිරීමට ශ්රී ලංකා ක්රිකට් ආයතනය නිල වශයෙන් තීරණය කර තිබේ.
අද (07) නිකුත් කළ මෙම පත්වීම් ලිපිය අනුව ඔහුගේ පත්වීම් කාලය 2024 ඔක්තොම්ර් 01 දා සිට 2026 මාර්තු 31 දා දක්වා මාස 18ක වේ .
පසුගිය ඉන්දයා, එංගලන්ත සහ නවසීලන්ත තරගාවලි වලදී තාවකාලික පුහුණුකරු ලෙස සනත් ජයසූරිය විසින් ප්රකට කළ දක්ෂතා පදනම් කරගෙන ඔහුව ස්ථිර පුහුණුකරු ලෙස පත් කිරීමට තීරණය කළ බව ශ්රී ලංකා ක්රිකට් නිකුත් කළ නිවේදනයේ දැක්වේ.
වාර්තාවන පරිදි සනත් ජයසූරියට ඩොලර් 25000ක මූලික වැටුපක් ලැබෙන අතර මෙතෙක් උපදේශකවරයෙක් ලෙස ඔහු ලැබූ රුපියල් පනස් ලක්ෂයක දීමනාව ඔහුට හිමි නොවනු ඇත. ශ්රී ලංකා ක්රිකට් පූර්ණ කාලින ප්රහුණු කරුවෙක් ලෙස ඔහුගේ සේවය අපේක්ෂා කරයි.
පිතිකරණය වැඩිදියුණු කිරීමේ වගකීම ද සනත් ජයසූරිය වෙත පැවරී ඇති අතර මෙතෙක් පිතිකරණ පුහුණුකරුවන් ලෙස කටයුතු කළ ජෙහාන් මුබාරක් සහ තිළිණ කණ්ඩම්බි තවදුරටත් එම තනතුරු නොදරනු ඇත.
