ගෘහ සේවයට රැගෙන යන බව කියා සංචාරක වීසා මගින් ඕමාන් රටට ගෙනෙන කාන්තාවන් ප්රදර්ශනයට තබමින් ලිංගික කටයුතු සඳහා ඕමානයේ දී අලෙවි කිරීමේ ජාවාරමේ වින්දියින් වූ කාන්තාවන් 45 දෙනෙක් පිළිබඳ තොරතුරු හෙළි වී ඇතැයි විමර්ශන අංශ පවසයි.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව මාධ්යයට පැවසුවේ, සහකාර පොලිස් අධිකාරිවරුන් දෙදෙනෙකුගෙන් යුත් කණ්ඩායමක් ඕමානය වෙත ගොස් පරීක්ෂණ සිදුකරන අතර මේ වනවිට එම අපාරධයට මුහුණ දුන් කාන්තාවන් 45 දෙනෙක් සම්බන්ධව තොරතුරු වාර්තා වන බවය.
දැනට ඕමාන තානාපති කාර්යාලයේ ආරක්ෂිත නිවස්නයේ රඳවා සිටින කාන්තාවන් 90 අතරින් සැලකිය යුතු පිරිසක් මෙම අපාරධයට ගොදුරු වූ අය බව තානාපති කාර්යාල තොරතුරු අනාවරණය කර ඇත.
ඕමානයේ රැකියා ලබාදෙන බව පවසා ඇතැම් විදේශ රැකියා නියෝජිත ආයතන මෙම තරුණියන් සහ කාන්තාවන් සංචාරක වීසා මත එරටට රැගෙන ගොස් අනතුරුව එරට රැකියා නියෝජිත ආයතනයේදී පෙළට තබා වයස හා පෙනුම අනුව ලිංගික කටයුතු සඳහා අලෙවි කර ඇතැයි දැනට සිදුකර ඇති පොලිස් පරීක්ෂණවලදී හෙළි වී තිබේ.
.රැකියා නියෝජිත ආයතන මගින්ම ගමන් බලපත්ර සකස් කර සංචාරක වීසා මත මොවුන්ව විදෙස් ගතකොට ඇතැයි ද .
මෙම කාර්ය තැරැව්කරුවන් මගින් ශ්රී ලංකාව තුළත් ඕමාන් රාජ්යය තුළත් සිදු කෙරෙන බව ද ඔහු පවසයි.
විදේශ රැකියා නියුක්ති කාර්යාංශය පැවසුවේ අපරාධ පරීක්ෂණ දෙපාර්තමේන්තුවේ වාර්තාව ලැබුණු පසු ඉදිරි ක්රියාමාර්ග ගන්නා බවයි.
ඕමාන තානාපති කාර්යාලය නිව්ස් ෆස්ට් වෙත තහවුරු කර ඇත්තේ ඕමානයේ ශ්රී ලංකා තානාපති කාර්යාල පවත්වාගෙන යන ආරක්ෂක නිවස්නයේ සිටින 90 කට වැඩි කාන්තාවන් පිරිස අතර මෙම ජාවාරමට හසුවූ කාන්තාවන් සිටින බවය.
