ඊයේ (15) පැවති 5 ශ්රේණිය ශිෂ්යත්ව විභාගයට අදාළව ප්රධාන නිවේදන දෙකක් විභාග දෙපාර්තමේන්තුව විසින් නිකුත් කර ඇත.
5 ශ්රේණිය ශිෂ්යත්ව විභාගයේ ප්රතිඵල දින 45ක් ඇතුළත නිකුත් කරන බව විභාග දෙපාර්තමේන්තුව නිවේදනය කර තිබේ.
එමෙන්ම ශිෂ්යත්ව විභාග ප්රශ්න පත්රය විභාගයෙන් පසු සමාජ මාධ්ය වෙත මුදා හැරිය පුද්ගලයන්ට එරෙහිව දැඩි නීතිමය ක්රියාමාර්ග ගන්නා බවත් එම දෙපාර්තමේන්තුව වැඩිදුරටත් සඳහන් කරයි.
විභාග ප්රශ්න පත්රය සමාජ මාධ්ය ජාලා ඔස්සේ ප්රචාරය වෙමින් පවතින බව විභාග දෙපාර්තමේන්තුවේ අවධානයට ලක්වීමෙන් අනතුරුව මෙම අනතුරු ඇඟවීම නිකුත් කර ඇත.
05 ශ්රේණිය ශිෂ්යත්ව විභාගය ඉරිදා (ඔක්තෝබර් 15) දිවයින පුරා විභාග මධ්යස්ථාන 2,888කදී පැවැත්වුණු අතර, මෙවර විභාගය සඳහා අයදුම්කරුවන් 337,956 දෙනෙක් පෙනී සිටිති.
