ලලිත් චාමින්ද –
ශිෂ්යත්ව විභාගය අවසන් විමෙන් පසු දරුවන් තුළ පශ්චාත් විභාග ආතතියක් ඇති කිරිමට කටයුතු නොකරන ලෙසත් දරුවන්ට සතුටින් විනෝදයෙන් සිටිමට අවස්ථාව සලසාදෙන ලෙස දෙමව්පියන්ගෙන් ඉල්ලා සිටින බැවත් ගාල්ල කරාපිටිය ශික්ෂණ රෝහලේ මානසික රෝග පිළිබද විශේෂඥ වෛද්ය රූමි රුබන් පවසයි.
මේ පිළිබද අදහස් දක්වමින් විශේෂඥ මනෝ වෛද්ය රූමි රුබන් මෙසේද කිවේය.
“ශිෂ්යත්ව විභාගය අවසන්විමෙන් පසු දරුවන් තුළ පශ්චාත් විභාග ආතතියක් ඇති කරන්න එපා. විභාගය ඉවරවු ගමන් ප්රශ්නපත්ර ලියවනවා. ලකුණු බලා අනිකුත් දරුවන් සමග සංසන්දනය කරනවා. මේක ලිව්වේ නැත්තේ මොකද කියලා දරුවන්ට තර්ජනය කරනවා බය කරවනවා. මේ වගේ දේවල් නවත්වන්න. විභාගය අවසන් වු පසු දරුවන්ට සතුටින් ඉන්න අවස්ථාව උදාකරලා දෙන්න. පසුගිය කාලයේ දි සිදු නොකළ සෙල්ලම් කරන එක. රුපවාහිණි බලන එක දරුවන්ට කරන්න අවස්ථාව උදාකරලා දෙන්න. දෙමව්පියන් මානසිකව වැටෙන්න එපා. දරුවන්ද මානසිකව වට්ටන්න එපා.”
විශේෂඥ වෛද්යවරයා කීවේය.
